شه‌ممه‌ 26 ئه‌یلول 2020
ماڵەوە / ئێران / مانگرتنی زیندانیانی قزڵحەسار بەرامبەر بە كوشتاری بەكۆمەڵ لەو زیندانە

مانگرتنی زیندانیانی قزڵحەسار بەرامبەر بە كوشتاری بەكۆمەڵ لەو زیندانە

لە ناڕەزایی بە ئێعدامی دەیان كەس لە زیندانیانی زیندانی قزڵحەساری كەرەج، زیندانیانی واحیدی 2ی ئەو زیندانە دەستیان دایە مانگرتن لە خواردن.

بە پێی راپۆرتی كۆمەڵەی چالاكانی مافی مرۆڤ لە ئێران، لە ماوەی 2 هەفتەی رابردوودا نزیك بە 44 كەس لە زیندانیانی مەحكوم بە ئێعدام لە واحیدی 2ی زیندانی قزڵحەساری كەرەج، لە گرووپگەلێكی 11 كەسیدا رەوانەی ژووری تاكەكەسی كراون و ئێعدام كراون و بەو بۆنەوەی زیندانیانی راگیراو لەو واحیدە دەستیان داوەتە مانگرتن لە خواردن.

هەروەها 5 كەسی دیكە لە ناوەكانی “عەلی گولبارانی، یوسف فاختە، مەنسوور یادگاری، سەلام و بێهنام” و پێدەچێ تا چەند كاتژمێرێكی دیكە لەسێدارە بدرێن.

شایانی باسە، زیندانی قزڵحەساری كەرەج، یەكێك لە گەورەترین زیندانەكانی رۆژهەڵاتی ناوەڕاستە و  واحیدی 2ی ئەو زیندانە 9 سالۆنی هەیە و نزیك بە 3 هەزار زیندانی بە تاوانگەلێكی جۆراوجۆر راگیراون كە لانیكەم هەزار كەسیان حوكمی ئێعدامەكەیان یەكلایی كراوەتەوە.

جێگای وەبیرهێنانەوەیە، پاییزی ساڵی رابردوو بە هۆی مانگرتنی هەزاران كەس لە زیندانیانی مەحكوم بە ئێعدام لە زیندانی قزڵحساری كەرەج، نزیك بە 6 مانگ كاربەدەستانی كۆماری ئیسلامی جێبەجێ كردنی حوكمی ئێعدامی زیندانیانی ئەو زیندانەیان راگرت.

بابەتی هاوپۆل

ناوەندی سەرکردایەتی کۆمەڵەی زەحمەتکێشان بوو بە ئامانجی موشەکی ئارپیجی

شەوی رابردوو کاتژمێر دوازدە و نیو بە کاتی کوردستان لە سەر جادەی قراخەوە بە ئارپیجی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.