سێ شه‌ممه‌ 21 تشرینی دووه‌م 2017
ماڵەوە / جیهان / پەسەندكردنی حوكمی 14 كەس لە بەحرەین بەهۆی پەیوەندیی لەگەڵ ئێران

پەسەندكردنی حوكمی 14 كەس لە بەحرەین بەهۆی پەیوەندیی لەگەڵ ئێران

دادگایی جەنایی بەحرەین، حوکمی سەرەتایی ١٤ هاووڵاتیی ئەو وڵاتەی کە بە تۆمەتی هاوکاری لەگەڵ رێژیمی ئێران و حیزبوڵڵا دەرکرابوو، پشتڕاست کردەوە.

دادگای بەحرەین حوكمی ١٤ هاووڵاتیی ئەو وڵاتەی كە ١٢ كەس زیندانی هەتایی، ٣٠ ساڵ بەندكران و سزای دانی ١٢ هەزار دیناری بەحرەینی لەخۆ گرتبوو، پەسەند كرد.

پێشتریش دادگای تاوانەكان لە بەحرەین بۆ ١٢ كەس لە تاوانبارەكان، حوكمی بەندكرانی هەتا هەتایی و بۆ دوو كەسی دیكە ١٥ ساڵ زیندان و سزای دانی هەزار دیناری بەحرەینی و دەستبەسەرداگرتنی دارایی ئەو كەسانە دەركردبوو.

لە ماوەی ٤ ساڵی رابردوودا بە دەستپێكی شەپۆلی دووهەمی شۆڕش لە وڵاتانی عەرەبی كە بە “بەهاری عەرەبی” ناسراوە، رێژیمی ئیڕان بەردەوام لە كاروباری وڵاتانی درواسێ دەستێوەردانی كردووە و بۆ هێنانە سەركاری حكومەتی شیعە مەزهەب هەوڵی داوە.

لەو پەیوەندییەدا و پێشتریش لە بەیاننامەی كۆتایی كۆبوونەوەی دوحە، وەزیرانی كاروباری دەرەوەی وڵاتانی بەشداربوو، نیگەرانیی خۆیان لە دەستێوەردانی ئێران لە كاروباری ناوخۆی وڵاتانی ناوچەی رۆژهەڵاتی ناوەڕاست و رۆڵی كۆماری ئیسلامی لە هەڵگیرسانی قەیرانی ئێستای ناوچەكە، دەربڕی.

هەروەها، لە راگەیەندراوی كۆتایی كۆبوونەوەی دوحە بانگەشەیەكی گشتگیر بۆ كۆتاییهێنان بە دەستێوەردانەكانی كۆماری ئیسلامی بڵاو كراوەتەوە و راگەیەندراوە كە گێچەڵ كردنی ئەو دەوڵەتە هۆكاری سەرەكیی تێكچوونی سەقامگیریی وڵاتانی رۆژهەڵاتی ناوەڕاستە و پشتیوانی لە تێرۆریزمی نێودەوڵەتی.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …