هه‌ینی 22 كانونی دووه‌م 2021
ماڵەوە / کوردستان / گیانلەدەستدانی كچ و كوڕێكی لاو لە شاری “دیواندەرە” بە هۆی خۆكوژی

گیانلەدەستدانی كچ و كوڕێكی لاو لە شاری “دیواندەرە” بە هۆی خۆكوژی

كچ و كوڕێكی دیواندەرەیی لە دوو رووداوی جیادا و بە شێوەی خۆهەڵواسینەوە كۆتاییان بە ژیانی خۆیان هێناوە.

رۆژی شەممە 8ی مانگی سەرماوەز، كچێكی تەمەن ٢٨ ساڵ خەڵكی گوندی “زەفەرئاوا” لە شاری “دیواندەرە” بە شێوەی خۆهەڵواسین دەستی داوەتە خۆكوژیی و بەوهۆیەوە گیانی لەدەستداوە.

هەر لەو رۆژەدا و لە رووداوێكی دیكەدا، لاوێكی دیكەی خەڵكی دیواندەرە بە ناوی مەهدی تەمەن ١٦ ساڵ لە رێگەی خۆهەڵواسینەوە كۆتایی بەژیانی خۆی هێناوە.

دایك و باوكی ئەو لاوە رایانگەیاندووە، شەوی یەكشەممە ئێمە بە مەبەستی سەردانی خزم و كەسەكان لەماڵ چووینەتە دەر و لەكاتی گەڕانەوەدا تەرمی مەهدیمان بە هەڵواسراوی بینیوە.

مەهدی، كەسێكی خەمۆك و گۆشەگیر و كوڕی بنەماڵەیەكی هەژار و دەستكورت بووە، دانیشتووی گەڕەكی ئازادگانی شاری دیواندەرە بووە.

شایانی باسە، لە شار و ناوچە جیاجیاكانی رۆژهەڵاتی كوردستان، خۆكوژی لە نێو هاوڵاتییاندا بە ئاستێكی بەرچاو پەرەسەندووە و ماوەیەك پێش ئێستا هەواڵێكمان سەبارەت بە گیانلەدەستدانی 6 كەس لە ئاواییەكی سەر بە شاری ئەیوان لە پارێزگای ئیلام و لە ماوەی یەكساڵدا بڵاو كردەوە.

بابەتی هاوپۆل

زیاتر لە ١٠ ھاووڵاتیی دیکە لە بۆکان دەستگیر کران

لە درێژی رەشبگیریی ھاووڵاتیانی کورد لە شارەکانی رۆژھەڵاتی کوردستان، لە شاری بۆکان لانیکەم ١١ هاووڵاتی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.