هه‌ینی 14 كانونی یه‌كه‌م 2018
ماڵەوە / کوردستان / دكتورێكی كورد لە شاری تاران تێزابی بە روومەتدا پڕژێندرا

دكتورێكی كورد لە شاری تاران تێزابی بە روومەتدا پڕژێندرا

بەرپرسی نەخۆشخانەیەكی فێركاری – دەرمانی لەتاران لەلایەن دوو كەسەوە هێرشی كراوەتە سەری و تێزاب بە روومەتیدا پڕژێندراوە.

سەرنشینەكانی ماتۆرسیكلێتیك، كە دوو كەس بوونە، هێرشیان كردۆتە سەر دكتور “سیامەند ئەنوەری” بەرپرسی نەخۆشخانەی “زیائیان”‌ لە شاری تاران و بە هۆی پژاندنی تێزاب بە سەر چاویدا بریندار بووە.

ئەو رووداوە كاتژمێر ٩ی شەوی رابردوو لە نزیك مەیدانی “وەنەك” رووی داوە.
دكتور “سیامەند ئەنوەری” خەڵكی شاری “مەهاباد” و دانیشتووی تارانە و بە هۆی پژاندنی ئەو تێزابەوە ئێستا لە نەخۆشخانەی “فارابی”، كە تایبەت بە نەخۆشیی چاوە، لەژێر چاودێری دایە.

ئەو پزیشكە كوردە چاوی چەپی تووشی برینداری بووە و سەر و دەمیشی بەهۆی پژاندنی تیزابەكەوە سووتاون.

هەواڵدەرییە حكوومەتییەكان بڵاویان كردۆتەوە، ئەو رووداوە لەلایەن پۆلیسەوە بەدواداچوونی بۆ دەكرێ‌.

نەخۆشخانەی زیائیانی تاران وەكوو ناوەندێكی فێركاریی ـ دەرمانی كە یەر بە زانستگەی زانستی پزیشكی تارنە دێتە ئەژمار كە لە نزیك مەیدانی ئەبووزەر لە باشووری رۆژئاوای تاران هەڵكەوتووە.

ئەو هێرش كردنە لەحاڵێكدایە كە لەماوەی چەند حەفتەی رابردوودا ژمارەیەك حاڵەتی هاوشێوەی پژاندنی تێزاب لە شارەكانی ئیسفەهان، كرماشان، تاران، قوم و مەشهەد ئەنجام درابوو.
فەرماندەی هێزی ئینتزامی حكوومەتی ئیسلامیی ئێران وتوویەتی، لەسەرەتای ئەمساڵەوە هەتا ئێستا زیاتر لە 318 حاڵەتی پژاندنی تێزاب لەئێران رووی داوە.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.