یه‌ك شه‌ممه‌ 16 كانونی یه‌كه‌م 2018
ماڵەوە / ئێران / كوژرانی دەیان كەس لە چەكدارانی كۆماری ئیسلامی و حیزبوڵڵا

كوژرانی دەیان كەس لە چەكدارانی كۆماری ئیسلامی و حیزبوڵڵا

نەیارانی دەوڵەتی بەشار ئەسەد لە سووریە وێڕای ئاماژە بە توندبوونەوەی شەڕو تێكهەڵچوون لەگەڵ هێزە حكومەتیەكان، باس لەوە دەكەن، كە زیاتر لە 30 كەسی دیكەشیان لە ئەندامانی سپای پاسدارانی كۆماری ئیسلامیی ئێران‌ و حیزبۆڵڵای لوبنان كوشتوە.

دژبەرانی سووری دەڵێن هێشتا تەرمی كوژراوەكانی ئەندامانی سپای پاسداران‌و حیزبۆڵلای لوبنان لە ناوچەی درعا كۆنەكراونەتەوەو هێزەكانی بەشار ئەسەدو حیزبۆڵڵای لوبنان نەیانتوانیوە تەرمی كوژراوەكانیان لە گۆڕەپانی شەڕ دوور بخەنەوە.

لە لایەكی دیكەوە هێزەكانی بەشار ئەسەد بە بۆمبی بۆشكەیی زیاتر لە 18 كەسیان لە خەڵكی مەدەنیی ناوچەی “درعا” كوشتوە.

سەرچاوە هەواڵنێرییە حكومەتیەكانی ئێران وێڕای پشتڕاستكردنەوەی هەواڵەكە ڕایانگەیاندوە كە ئەفسەرێكی سپای پاسداران بە ناوی حەسەن حیزباوی لە سووریە كوژراوە.

شایانی باسە كە لە سەرەتای دەسپێكی شەڕ و ئاڵۆزیەكانی سووریە لە ساڵی 2011 تا ئێستا، زیاتر لە 60 كەس لە ئەندامانی سپای پاسدارانی ئێران لەو تێكهەڵچوونانەدا كوژراون‌، كە لە نێو ئەم كوژراوانەدا هەواڵی كوژرانی دوو فەرماندەی پلە بەرزی سپا وەك ئیسماعیل حەیدەری و حەسەن شاتری زیاتر لە وانی دیكە لە ڕاگەیەنە نێودەوڵەتییەكاندا دەنگی دایەوە.

بابەتی هاوپۆل

ڕێوڕەسمی پەردەلادان لە سەر پەیکەرەی شاعیری ناوداری شاری سنە

ڕۆژی هەینی لە سەیرانگای “خێرەزنە” لە شاری سنە ، پەردە لەسەر پەیکەرەی شاعێری ناوداری ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.