هه‌ینی 14 كانونی یه‌كه‌م 2018
ماڵەوە / کوردستان / داخرانی 35% ی شارۆچكە پیشەسازییەكانی”ئیلام”

داخرانی 35% ی شارۆچكە پیشەسازییەكانی”ئیلام”

نالەباربوونی بارودۆخی ئابووری، 35% ی شارۆچكە پیشەسازییەكانی ئیلامی داخستووە.

بەپێی راپۆرتی ماڵپەڕی حكومەتیی ئیسنا، جێگری كاروباری بازرگانی و پەرەپێدانی پیشە و كانزاكانی پارێزگای ئیلام وتوویەتی، ئێستا هیچكام لە شارۆچكە پیشەسازییەكانی ئەم پارێزگایە بە شێوەی تەواو چالاك نەماون و بە هۆی نەبوونی توانای ماڵی و نالەباربوونی بارودۆخی ئابووری بە شێوەی نیوە چڵ درێژە بە هەڵسووڕانیان دەدەن.

بەپێی ئەو راپۆرتە، لە نێوان ٢١ شارۆچكەی پیشەسازیی پارێزگای ئیلام، ٧ شارۆچكە بە تەواوەتی داخراون و ١٤ شارۆچكەی دیكەش بە شێوەی نیوە چڵ كار دەكەن و هیچكام لە تەواوی دەفرایەتیی خۆیان كەڵك وەرناگرن.

هەر لەم پێوەندییەدا، جێگری وەزیری سەنعەت، كانگا و بازرگانیی رێژیمی ئێران رایگەیاندووە كە ٣٦ هەزار یەكەی پیشەیی و بەرهەمهێنان لە ئێراندا بە هۆی نەبوونی توانای ماڵی و بارودۆخی نالەباری ئابووری، داخراون یان بە شێوەی نیوەچڵ درێژە بە كار دەدەن.

بەپێی ئامارەكانی وەزارەتی پیشە، كانگا و بازرگانی هەروەها دەرخەری ئەوەیە كە ٢٢ هەزار یەكەی بەرهەمهێنان لە بەرەبەری داخران دان.

لە بواری داخرانی یەكە بەرهەمهێنەر و پیشەیەكان لە پارێزگاكانی كوردستان لە ٢ هەزار و ٨٠٠ یەكەی بەرهەمهێنان لە پارێزگای ئورمیە ١ هەزار و ٢٤٥ یەكە داخراون.
داخرانی لە سەدا ٤٧ی یەكە بەرهەمهێنەر و پیشەیەكان لە ئورمیە بووەتە هۆی ئەویكە زیاتر لە ١٨ هەزار كەس لەو پارێزگایە بێكار بن.

هەروەها، رایگەیاندووە كە لە سەدا ٧٠ی یەكە پیشەییەكان لە پارێزگای سنە و لە سەدا ٧٥ی یەكە بەرههێنەرەكان لە پاریزگای كرماشان بە هۆی نەبوونی توانای ماڵی و بارودۆخی نالەباری ئابووری، داخراون یان بە شێوەی نیوەچڵ درێژە بە كار دەدەن.

داخرانی یەكە پیشەییەكان لە ئێران و بەتایبەت لە كوردستان بووەتە هۆی زۆر بوونی بێكاری و هەژاری.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.