یه‌ك شه‌ممه‌ 18 ئاب 2019
ماڵەوە / کوردستان / دەركردنی دەیان كرێكار لە شاری “مەریوان”

دەركردنی دەیان كرێكار لە شاری “مەریوان”

خاوەنكاری پرۆژەی سەدی ئازاد “بنیەر” لە سەر جادەی سنە_مەریوان، دەستی داوەتە دەركردنی 70 كەس لە كرێكارەكانی بەشی تونێلی ئەو پرۆژەیە.

بە پێی راپۆرتی كومیتەی هەماهەنگی، خاوەنكاری ئەو كارخانەیە وێڕای دەركردنی ئەو 70 كرێكارە، 20 كرێكاری دیكەی هەر ئەو بەشەی بە شێوەی زۆرەملێ و بە بێ حەقدەست بۆ ماوەی 6 مانگی دیكە ناردووەتە مەرەخەسی.

ئەمەش لەحاڵێكدایە كە خاوەنكار لە دانی 4 مانگی حەقدەستی دەودواخراوی كرێكاران و بە فریوكاریی و دانی بەڵێنی درۆیین، تەنیا 20% لە حەقدەستی كرێكارانی پێ داون.

جێگای ئاماژەیە، 450 كرێكار لە پرۆژەی سەدی ئازاد “بنیەر” كار دەكەن، كە وێڕای دۆخی دژواری كار، بەردەوام لە بەردەم مەترسی و هەڕەشەی دەركردن و پێدانی مەرەخەسی زۆرەملێدان و تەنها لە ساڵی 1391ی هەتاوییدا نزیك بە 7 هەزار كرێكاری بەشی بەرهەمهێنان و خزمەتگوزاریی ئەو پرۆژەیە لەسەر كار دەكرابوون، كە ئەوەش ناڕەزایی ئەو كرێكارانی لێكەوتەوە.

بابەتی هاوپۆل

ڕزگار بوونی دوو بەندکراوی کورد لە پەتی سێدارە

دوو بەندکراوی کورد لە زیندانی ناوەندی شاری سنە کە پێشتر بە هۆی کوشتنی ئەنقەست سزای …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.