سێ شه‌ممه‌ 26 ئازار 2024

كۆبوونەوەی ناڕەزایی لە سەر گڵكۆی مامۆستا “حەسەن زیرەك”

ژمارەیەك لە چالاكانی مەدەنی شاری “بۆكان” بە نیشانەی ناڕەزایی بە دژی بێ رێزییەكانی دەنگ و رەنگی كۆماری ئیسلامی لە شاری “مەهاباد” بەرامبەر بە مامۆستا “حەسەن زیرەك” لە سەر گڵكۆی ئەو مامۆستا ناودارەی كوردستان، كۆبوونەوە.

بە پێی هەواڵی گەیشتوو بە *زاگرۆس پۆست*، ئەوڕۆ هەینی 7ی مانگی سەرماوەز، نزیك بە 100 كەس لە چالاكان و هەڵسووڕاوانی مەدەنی شاری “بۆكان” بە نیشانەی ناڕەزایی بەرامبەر بە بێ رێزییەكانی دەنگ و رەنگی كۆماری ئیسلامی بەرامبەر بە مامۆستای گۆڕانیبێژی ناسراوی كورد “حەسەن زیرەك” لە سەر گڵكۆی ئەو مامۆستایە كۆبوونەوە و بەو چەشنە ناڕەزایی خۆیان بەرامبەر بەو بێ رێزییانە دەربڕیوە.

دەوترێ، لە كۆبوونەوەكەدا وێنەی مامۆستایان ناوداری كورد “حەسەن زیرەك و محەمەد ماملێ” لە لایەن بەشداربووانەوە بە دەستەوە گیراوە و هاوكات و بە یەك دەنگ سەڵای ئەوە بەرز كرداوەتەوە، كە بە هیچ شێوەیەك ئەو بێ رێزییە سیستماتیكەی دەنگ و رەنگی كۆماری ئیسلامی بەرامبەر بە ئەدەب و وێژە و كەلتووری كوردیی قبوڵ ناكەین.

جێگای وەبیرێهنانەوەیە، ماوەیەك پێش ئێستا، دەنگ و رەنگی (صدا و سیما) كۆماری ئیسلامی لە شاری “مەهاباد” بە دانانی راپرسیەك، پرسیاری ئەوەی كردبوو كە لە نێوان ئەم سێ گۆرانیبێژە كورد و فارسە، واتە “حەسەن زیرەك، مورتزا پاشایی و موحسن یگانە”، كامەیان دەنگیان خۆشترە و لایەنگری زۆری هەیە، كە لە ئاكامی راپرسیەكەدا “مورتزا پاشایی” رێژەی یەكەمی مسۆگەر كردبوو و مامۆستا “حەسەن زیرەك” وەكوو دووهەم كەس دیاری كراو و “موحسن یگانە”ش بوو بە سێهەم كەسی ئەو كێبەركیێە.

ئەم بێ رێزییەی كۆماری ئیسلامی بە مامۆستای ناسراوی كورد “حەسەن زیرەك” ناڕەزاییەكی زۆری لە ئاستی تۆڕە كۆمەڵایەتیەكان و نێو هاوڵاتیاندا لێ كەوتەوە و لە ئاكامی كۆبوونەوەیەكی ناڕازیانەی خەڵكی شاری مەهاباد بەو بۆنەوە، نزیك بە 100 كەس دەستگیر كران كە هەتا ئێستاش چارەنووسی ژمارەیەكیان نادیارە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.