سێ شه‌ممه‌ 26 ئازار 2019
ماڵەوە / جیهان / بەرزبوونەوەی رێژەی ژنانی جیهادی

بەرزبوونەوەی رێژەی ژنانی جیهادی

بەرپرسی دەزگای ئەمنیەتی میللی ئاڵمان، دەڵێ: ژمارەی ئەو ژنانەی بە مەبەستی هاوسەرگیری لەگەڵ جیهادیستەكانی داعش لە ڕۆژئاواوە دەچنە سووریە و عێراق لە هەڵكشاندایە.

هانس‌ـ‌جۆرج ماسسێن، لێپرسراوی یەكەمی دەزگای ئەمنیەتی میللی ئەڵمان لە لیدوانێكدا دوێنێ پێنجشەممە 7ی مانگی سەرماوەز بۆ كەناڵی “ئێن بی سی” ئاشكرای كرد كە ژمارەی ئەو ژنانەی لە وڵاتانی ڕۆژئاواییەوە دەچنە سووریە و عێراق بۆ ئەوەی شوو بە جیهادیستەكانی داعش بكەن، “بە بەراورد دەگەڵ ساڵانی پێشوو ڕوو لە هەڵكشانە”.

بە پێی ئاماری دام و دەزگا پەیوەندیدارەكانی ئاڵمان, كچانی لاو كە هەندێ جار تەمەنیان لە ١٥ ساڵ تێناپەڕێ و ئەغڵەب وەدوای “رۆمانتیكێكی كوێرانە” دەكەون، بۆ ئەوەی “ببنە ژنی سێهەم و چوارەمی” شەڕكەرێكی ئیسلامیست، دەست دەدەنە سەفەرێكی لەم شێوەیە.

بەرپرسی دەزگای ئەمنیەتی میللی ئاڵمان، جەختی لەسەر ئەوەش كردەوە، كە ڕوون نییە ئاخۆ ئەوانە بەنیازن لێرە چالاكی بكەن یان داخوا خۆیان وەك هاوسەری شەڕكەرێكی جیهادیست دەبینن یان نا.

پێشتر هەر لەم مانگەدا ناوبراو ڕایگەیاندبوو، كە نزیكەی ٥٥٠ شارۆمەندی ئاڵمانی بەم نزیكانە چوونەتە ڕیزی چەكدارانی داعش لە عێراق و سووریە. ئەوەشی ڕوون كردبۆوە كە دام و دەزگا پەیوەندیدارەكان چاودێریی ئەگەری هاتنەوەی ئەو هاووڵاتیانە دەكەن بۆ ئاڵمان.

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.