یه‌ك شه‌ممه‌ 21 تشرینی یه‌كه‌م 2018
ماڵەوە / کوردستان / لەنێوچوونی سەیرانگاكان لە شاری “كرماشان”

لەنێوچوونی سەیرانگاكان لە شاری “كرماشان”

گەورەترین و كۆنترین سەیرانگای شاری كرماشان لە حاڵی لەنێوچوون دایە و لایەنە پەیوەندیدارەكانیش هیچ ئاوڕێكی لێ نادەنەوە.

ماڵپەڕی پەیام بڵاوی كردووەتەوە، كە”سەراب قەنبەر” گەورەترین و كۆنترین سەیرانگای شاری “كرماشان” لە ماوەی ئەم چەند ساڵەی دواییدا هیچ كارێكی بۆ نەكراوە و لە ئێستاكە بووە بە زەوییەكی وشك و دارەكانیشی لەنێو چوون.

ئەمە لە حاڵێكدایە كە ماوەی چەند ساڵە بڕیار بوو ئەم شوێنە و ناوچەكانی دەورووبەری ببێت بە پاركی جەنگەڵی كرماشان. لەو پێوەندەدا شارەداریی بەڵێنی دابوو كە لە ١٠ هێكتار لە زەوییەكانی “سەراب قەنبەر” دار بچێنێت و بۆ ٣٠٠ هێكتارەكەی دیكەشی، بەرنامەیەكی تایبەت دابڕێژێت و لە ماوەی دوو تا سێ ساڵی داهاتوو لەم ناوچەیە دار بچێنێت، بەڵام هیچكام لە بەڵێنەكانی جێبەجێ نەكردووە.

شایانی باسە، خەڵكی ئەو ناوچەیە لە كەمبوونی فەزای سەوز و پارك بە هۆی بینا سازیەوە ناڕازیین.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.