دوو شه‌ممه‌ 22 تشرینی یه‌كه‌م 2018
ماڵەوە / ئێران / لە ماوەی 2 رۆژدا 9 كەس لە ئێران ئێعدام كراون

لە ماوەی 2 رۆژدا 9 كەس لە ئێران ئێعدام كراون

لە ماوەی 2 رۆژی رابردوودا 9 كەس لە شارەكانی “قەزوین، مەشهەد و كەرەج” لە لایەن دام و دەزگا ئەمنیەتی و قەزاییەكانی كۆماری ئیسلامیەوە لەسێدار دراون.

بە پێی راپۆرتی هەواڵنێریی حكومەتیی ئیرنا، رۆژی چوارشەممە 5ی مانگی سەرماوەز 2 كەس بە تاوانی قەتڵ و قاچاخی مادەهۆشبەرەكان لە لایەن دام و دەزگا ئەمنیەتیەكانی كۆماری ئیسلامیەوە لە شاری قەزوین لەسێدارە دران.

هەروەها، كۆمەڵەی چالاكانی مافی مرۆڤ لە ئێران، بڵاویكردەوە كە، سەرلەبەیانی ئەمڕۆ پێنجشەممە 6ی مانگی سەرماوەز 2 كەسی دیكە بە تۆمەتی شەڕئەنگێزیی (شەرارەت) لە شاری مەشهەد و لە پێش چاوی خەڵك لەسێدارە دران.

خەڵكی شارەكەش باس لەوە دەكەن، كە ئێعدام كردنی تۆمەتباران و تاروانباران لە پێش چاوی خەڵك تەنیا بەهۆی چاوترسێن كردن و تۆقاندنی شارۆمەندان و زاڵ كردنی كەشی پڕ لە خۆف و خەفەت لە نێو هاوڵاتییاندا ئەنجام دەگرێ.

لە لایەكی دیكەشەوە، هەمان سەرچاوە ئاشكرای كرد، كە 5 كەسی دیكە رۆژی چوارشەممە بە تۆمەتی ئەنجامدانی قەتڵی بە ئەنقەست و قاچاخی مادەهۆشبەرەكان لەسێدارە دران. ئەوەش لەحاڵكدایە كە رۆژی سێشەممە 9 كەس لە زیندانیانی راگیراو لە زیندانی رەجایی شاری كەرەج لە لایەن مەئمورانی ئەو زیندانەوە، بە مەبەستی جێبەجێ كردنی حوكمی ئێعدام رەوانەی ژووری تاكەكەسی كران، كە 4 كەسیان بە وەرگرتنی مۆڵەت، گەڕانەوە بۆ بەندی گشتی و ئەو 5 كەسەكەی دیكە ئێعدام كران.

شایانی باسە، لە ماوەی رۆژانی رابردوو، لە *زاگرۆس پۆست* بە بڵاوكردنەوەی وێنەی چەند كەسێكی ئێعدام كراو كە تەرمەكەیان رادەستی بنەماڵەكانیان كرابووەوە، ئاشكرامان كردبوو، هەموو پێنجشەممەیەك لە زیندانی شاری كرمان ژمارەیەك زیندانیی بەكۆمەڵ و بە شێوەی نهێنی لە سێدارە دەدرێن و زۆر جار هەواڵی ئەو ئێعدامان بە شاراوەیی دەمێنێتەوە.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.