زاگرۆس پۆست
پانتایی خۆپیشاندانەكان لە بێ تاوان ناسینی مەئمورێكی پۆلیسی ئەمریكا لە شاری فێرگۆسێن، كە بە كوشتنی لاوێكی رەش پێست تاوانبار كراوە، هەموو ئەمریكای گرتووە و ئەو مەئمورە تاوانبارەش رایگەیاندووە، ویژدانم ئازارم نادات.
خۆپیشاندانی خەڵكی ناڕازیی بە بڕیاری دادگا سەبارەت بە بێ تاوان ناسینی “دارن ویلسون” ئەو مەئمورە سپی پێسەی كە كەسێكی رەش پێست بە ناوی “مایكل براون” لە شاری فێرگۆسێن بە دەستڕێژی گوللە كوشتبوو، نزیك بە 30 ولایەتی ئەمریكایی گرتووەتەوە و زیاتر لە 170 شاری ئەو وڵاتە شەقامەكانیان بەرەوڕووی گرفت بووە و زۆرێكیان یان داخراون یان بە دژواری ئۆتۆمبیل دەتوانن تێدا هاتوچۆ بكەن.
هەیئەتی دادوەریی دادگای ولایەتە یەكگرتووەكانی ئەمریكا، كە دۆسیەی ئەو هاوڵاتیە رەش پێستە كوژراوەی لە ئەستۆ بوو، بە دەركردنی بڕیاری بێ تاوان بوون بۆ پۆلیسە سپی پێستەكە، بووە هۆی هەڵخڕاندنی ناڕەزایی هاوڵاتیانی ئەمریكایی و تا ئێستا زیاتر لە 60 كەس لەو پەیوەندەدا دەستگیر كراون و دووكان و بینا و ئۆتۆمبیلێكی زۆریش زیانیان بەركەوتووە.
