ماڵەوە / کوردستان / مانگرتن لە خواردنی زیندانیانی سیاسی لە “ورمێ” هێشتاكە بەردەوامە

مانگرتن لە خواردنی زیندانیانی سیاسی لە “ورمێ” هێشتاكە بەردەوامە

مانگرتن لە خواردنی زیندانیانی سیاسی لە زیندانی ورمێ پاش 4 رۆژ هێشتاكە درێژەی هەیە.

بە پێی هەواڵی گەیشتوو بە *زاگرۆس پۆست*، مانگرتن خواردنی زیندانیانی سیاسی لە زیندانی ناوەندیی شاری “ورمێ” (دەریا” ئەمڕۆ یەكشەممە 2ی مانگی سەرماوەز پاش 4 رۆژ هێشتاكە درێژەی هەبوو و زیندانیان خوازیاری جێبەجێ كردنی خواست و داواكارییەكانیانن.

رێكەوتی پێنجشەممە ٢٩ی خەزەڵوەری، لانیكەم ٣٠ كەس لە زیندانییانی سیاسیی كورد لە زیندانی ناوەندیی ئورمیە (دەریا) بەهۆی پێڕانەگەیشتن و هەڵسوكەوتی نامرۆڤانەی بەرپرسانی زیندان، مانیان لە خواردن گرتووە.

زیندانییانی سیاسیی توركی بەندكراو لە زیندانی “دەریا” كە هەژماریان لەلایەن كەمپەینی بەرگری لە زیندانییانی سیاسی و مەدەنییەوە ٣٠ كەس راگەیەندراوە، بە رەوتی مانگرتنی زیندانییانی سیاسیی كورد پەیوەست بوون.

زیندانییانی سیاسیی كوردی بەندی ١٢ی زیندانی دەریا، لە مانگرتنەكەی خۆیاندا خوازیاری گەڕاندنەوەی ٢٧ زیندانیی سیاسیی دیكە بوون كە لەلایەن بەرپرسانی زیندانەوە بۆ بەندەكانی دیكە گواستراونەتەوە.

زەخت نەخستنە سەر زیندانییانی سیاسی لەلایەن بەرپرسانی زیندانەوە، موڵەتی چاوپێكەوتن و كەڵك وەرگرتن لە تەلەفۆنی گشتیی زیندان لە ویستەكانی دیكەی زیندانییانی سیاسیی كوردی زیندانی ناوەندیی شاری ورمێیە.

بابەتی هاوپۆل

گیان لە دەستدانی دوو کۆڵبەر لە ورمێ

ڕۆژی یەک شەممە دوو کۆڵبەری کورد، خەڵکی ناوچەی تەرگەوەر، لە کاتی پەڕانەوە لە ڕووباری “جێرمێ” …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.