شه‌ممه‌ 18 تشرینی دووه‌م 2017
ماڵەوە / کوردستان / باشووری كوردستان شوێنێكی نائەمنە بۆ ژنان

باشووری كوردستان شوێنێكی نائەمنە بۆ ژنان

ئامارێكی بەڕێوەبەرایەتی گشتی بەرەنگاربونەوەی توندوتیژی دژی ژنان لە باشووری كوردستان ئاشكرایدەكات، كە لەماوەی 9 مانگی سەرەتای ئەمساڵدا زیاتر لە 5 هەزار حاڵەتی توندوتیژی بەرامبەر بەژنان تۆماركراوە.

بەپێی ئامارەكە ” لە ماوەی 9 مانگی سەرەتای ئەمساڵدا 5519 حاڵەتی توندوتیژی بەرامبەر بەژنان تۆماركراوە كە 2087 یان لە پارێزگای هەولێر و 1285 یان لە پارێزگای دهۆك‌ و 934 یان لە پارێزگای سلێمانی‌ و 727 یان لە ئیدارەی گەرمیان ‌و 361 یان لە ئیدارەی راپەڕین‌ و 162 حاڵەتیشیان لە سنوری ئیدارەی سۆران تۆماركراون”.

بەپێی ئامارەكە حاڵەتەكانی توندوتیژی لەماوەی ئەو 9 مانگەدا بریتین لە “30 حاڵەتی كوشتن‌ و 29 حاڵەتی خۆكوشتن‌ و 165 حاڵەتی سووتان‌ و 67 حاڵەتی خۆسووتاندن‌ و 105 حاڵەتی دەستدرێژی سێكسی‌ و 5123 حاڵەتی سكاڵا تۆماركردن”.

لە ئامارەكەدا دەردەكەوێت، كە” مانگی ئەیلول زۆرترین رێژەی توندوتیژی تێدا تۆماركراوە كە 781 حاڵەتەوە و بەپێچەوانەشەوە مانگی كانوونی دووەم كەمترین رێژەی تێدا تۆماركراوە كە 471 حاڵەتی توندوتیژیە”.

بەپێی ئامارەكانی ئەو بەڕێوەبەرایەتیە رێژەی توندوتیژی بەرامبەر بەژنان بە بەراورد بەساڵی 2013 زۆر زیادیكردوە، بەڕادەیەك، كە لە ماوەی 12 مانگی ساڵی 2013 دا 5307 حاڵەتی توندزوتیژی بەرامبەر بەژنان تۆماركراون، كەچی تەنها لەماوەی 9 مانگی ئەمساڵدا رێژەكە بەرزبۆتەوە بۆ 5519 حاڵەتی توندوتیژی.

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …