سێ شه‌ممه‌ 21 تشرینی دووه‌م 2017
ماڵەوە / ئێران / تەنیا یەك لە سەر سێ خەڵكی ئێران لە ئابووری ئەو وڵاتە دەور دەگێڕن

تەنیا یەك لە سەر سێ خەڵكی ئێران لە ئابووری ئەو وڵاتە دەور دەگێڕن

لە نوێترین راپۆرتی بانكی ناوەندیی كۆماری ئیسلامیدا هاتووە، لە 77 میلیۆن‌و 800 هەزار كەسی دانیشتووی وڵاتی ئێران، تەنیا 23 میلیۆن كەس بە واتایەكی دیكە لە هەر 3 كەس ئێراندا تەنیا یەك كەسیان كاری هەیەو بە كارێكەوە چالاكەو و 54 میلیۆن كەسەكەی دیكە هیچ دەورێكیان لە گەڕانی ئابووریی ئەم وڵاتەدا نییە.

هەروەها بەپێی ئەو ڕاپۆرتەی كە بانكی ناوەندیی كۆماری ئیسلامی بڵاوی كردۆتەوە بودجەی دەوڵەت لە وەرزی بەهاری ئەمساڵدا 18 هەزار و 600 میلیارد تمەن كەمیی هێناوە. لە لایەكی دیكەوە دەریدەخات، كە داهاتی دەوڵەت لە 3 مانگەی سەرەتای ئەمساڵدا 16 هەزار میلیارد تمەن بووە، لە كاتێكدا كە تێچووی دەوڵەت هەر لەمماوەیە 33 هەزار میلیارد تمەن بووە كە دەكاتە 2 هێندەی ئەم بوودجەیەو، بە وەها لێكدانەوەیەك دەردەكەوێ كە وەزارەتی ئابووری و دارایی لەم بوارەوە سەركەوتوو نەبووە.
شایانی باسە، تیمی ئابووریی حەسەن ڕوحانی دڵیان بەوە خۆشە كە لە ئەگەری ڕێككەوتن لەگەڵ كۆمەڵگای نێودەوڵەتیی ‌و هەڵوەشانەوەی فشاری گەمارۆكان لە سەر ئێران بتوانن بەسەر قەیرانی ئابووریی وڵاتدا زاڵ ببن، بەڵام ئاسۆی ئەو ڕێككەوتنە ئێستاش بۆ زۆر كەس‌ و لایەن ڕوون نییە.

بابەتی هاوپۆل

دوو حیزبی رۆژهەڵاتی كوردستان داوای یەكپارچەیی خاكی ئێران دەكەن

بەپێی ئەو بەڵگەنامەی لەتۆڕە كۆمەڵایەتییەكان بڵاوكراوەتەوە، دوو حیزبی رۆژهەڵاتی كوردستان رێكەوتننامەیەك واژۆ دەكەن كە لەگەڵ …