هه‌ینی 24 تشرینی دووه‌م 2017
ماڵەوە / کوردستان / گیانلەدەستدانی 2 هاوڵاتیی خەڵكی شارەكانی”سەقزۆ و بۆكان” بەهۆی رووداوی هاتوچۆ

گیانلەدەستدانی 2 هاوڵاتیی خەڵكی شارەكانی”سەقزۆ و بۆكان” بەهۆی رووداوی هاتوچۆ

كاسبكارێكی دیكەی خەڵكی ئاواییەكی سەر بە شاری “سەقز” و هاوڵاتیەكی دیكەی خەڵكی شاری “بۆكان” بە هۆی رووداوی هاتوچۆ گیانیان لەدەستداوە.

بە پێی هەواڵێ كە بە *زاگرۆس پۆست* گەیشتووە، هاوڵاتیەكی بە ناوی “ئەحمەدی رزوانی” تەمەن 30 ساڵ و خەڵكی ئاوایی “ئایچی” سەر بە شاری “سەقز” بە هۆی رووداوی هاتوچۆ لە كاتی كاسبی و گواستنەوەی باری “ئێڵ سی دی” لە سەر جادەی “دیواندەرە_ بیجاڕ” بە هۆی رووداوی هاتوچۆ گیانی لەدەستدا.

ئەو كاسبكارە كوردە كە لە هەوڵی دابینكردنی بژیوی ژیانی خۆی و بنەماڵەكەی بووەو لە شاری سەقزەوە بارێكی “ئێڵ سی دی” بەرو شاری تاران گواستوووەتەوە بە ئۆتۆمبیلێكی جۆری پژۆ لەگەڵ ئۆتۆمبیلێكی سەمەند كە خاونەكەی خەڵكی شاری “بۆكان” بووە، لە سەر جادەی “دیواندەرە_بیجاڕ” تووشی پێكدادان دەبن و بەو هۆیەوە هەردووكیان گیانیان لەدەست دەدەن و هاوسەری شۆفیرە بۆكانیەكەش لە دۆخێكی زۆر نالەباری جەستەییدایە.

ئەمەش لە حاڵێكدایە كە لە ماوەی یەك مانگی رابردوودا 6 هاوڵاتیی بەهۆی گواستنەوەی كەلوپەل بەرەو شاری تاران پێتەختی وڵاتی ئێران لە نێو جادەكاندا تووشی رووداوی هاتوچۆ دەبن و گیانیان لەدەستدەدەن.

شایانی باسە، ساڵانە بە دەیان و سەدان هاوڵاتیی خەڵكی شارە جیاجیاكانی كوردستان لە سەر سنوورەكان و لە سەر جادەكان، بە هۆی گواستنەوەی كەلوپەلی قاچاخ یان لە لایەن چەكدارانی كۆماری ئیسلامی یان بە هۆی رووداوی هاتوچۆ تووشی كارەسات دەبن و زۆرێكیان بەرەوڕووی زیانی گیانی و ماڵی دەبن و زۆرێكیشیان كەلوپەلەكانیان لە لایەن چەكدارانی حكومەتەوە دەستی بەسەردا دەگیردرێت و رۆژی چوارشەممە 21ی مانگی خەزەڵوەر زیاتر لە ٣٠ ئۆتۆمبیلی كاسبكاران لە ئاوایی “شێوەمیر” سەر بە ناوچەی “میراوێ” لە شاری سەردەشت لەلایەن هێزەكانی كۆماری ئیسلامیەوە ئاگری تێبەردراوە.

بابەتی هاوپۆل

بەڤیدیۆ.. هێزەکانی رژیم لە سەرپێڵ‌زهاو بە گازی فرمێسکڕێژ هێرشیان کردە سەر خەڵک

لە گرتە ڤیدیۆیەکدا ک ەلە تۆڕە کۆمەڵایەتییەکان بڵاو کراوەتەوە، هاوڵاتیانی بووومەلەرزەلێدراوی شاری سەرپێڵ‌زەهاو لا کاتی …