هه‌ینی 17 تشرینی دووه‌م 2017
ماڵەوە / جیهان / داعش بارمتەیەكی دیكەی سەربڕی

داعش بارمتەیەكی دیكەی سەربڕی

داعش سێهەمین بارمتەی ئەمریكی و پێنجمین بارمتەی رۆژئاوایی خۆی سەربڕی.

سەرلەبەیانی ئەمڕۆ یەكشەممە 25ی مانگی خەزەڵوەر داعش ڤیدیۆیەكی لە تۆڕە كۆمەڵایەتییەكاندا بڵاوكردەوە و تێیدا پیتەر كاسیگ بە سەربڕدراوی دەردەكەوێت.

ئەمەش لەحاڵێكدایە، كە لە رۆژانی رابردوودا دەنگۆی برینداربوونی سەربڕی ئەمریكییەكان، كە بە (جۆن) دەناسرێت و گومان دەكرێت رەپێرێكی خەڵكی بەریتانیا بێت، لە میدیاكاندا بڵاوبووەوە، بەڵام لەو ڤیدیۆیەدا كە ئەمڕۆ بڵاوبووەتەوە جۆن سەرلەنوێ دەردەكەوێت و سەری سێیەمین بارمتەی ئەمریكیی بە بڕدراوی لەبەردەم خۆیدا داناوە. داعش هەروەها دوو بارمتەی دیكەی رۆژئاوایی تا ئێستا سەربڕیوە.

پێشتر داعش هەریەكە لە جەیمس فۆڵی و ستیڤ سۆلتۆڤ-ی ئەمریكیشی سەربڕی. هەروەها جۆن كامتڵ، كە ئەویش بارمتەیەكی ئەمریكییە و لەدەست داعشدایە، هەڕەشەی سەربڕینی لەسەرە.

وێنەی بارمتە ئەمریكیەكە كە لە لایەن داعشەوە سەری لە لەشی جیاكراوەتەوە دەتوانن لە خوارەوە بیبینن:

بابەتی هاوپۆل

بەوێنە.. ژمارەی قوربانیانی بوومەلەرزە بەرز دەبێتەوە

بەهۆی بوومەلەرزەكەی شەوی رابردوو لەپارێزگار كرماشان تا ئێستا لانیكەم 348 كەس گیانیان لەدەستداوە‌و نزیكەی 7000 …