سێ شه‌ممه‌ 20 تشرینی دووه‌م 2018
ماڵەوە / کوردستان / پێش بە چارەسەریی پزیشكی زیندانیانی سیاسی لە”ورمێ و میناب” دەگیردرێ

پێش بە چارەسەریی پزیشكی زیندانیانی سیاسی لە”ورمێ و میناب” دەگیردرێ

8 زیندانی سیاسی كورد لە زیندانەكانی شاری “ورمێ و میناب” دۆخی تەندروستییان ناجێگرە و كاربەدەستانی ئەو دوو زیندانەش لە هەوڵدان بۆ چارەسەریی پزیشكی زیندانیەكان خۆدەبوێرن.

عەلی ئەفشاری، عەلی ئەحمەد سولەیمان، مستەفا عەلی ئەحمەد، هێمن حەسەنزادە، كەیوان مامەدی و بێهرووز ئاڵخانی 6 كەس لە زیندانی سیاسیی كوردن كە لە بارودۆخێكی زۆر نالەباری جەستەیدان و پێویستییان بەوە هەیە كە لە نەخۆشخانەیەكی دەرەوەی زینداندا چارەسەر بكرێن، بەڵام تا ئێستاشی لەگەڵ بێ لەلایەن كاربەدەستانی زیندانەوە پشتگوێ خراون‌و تەنانەت دژایەتی لەگەڵ چارەسەریان كراوە.
لە لایەكی دیكەوە لە زیندانی شاری “میناب”یش ئەفشین سۆهرابزادە زیندانیی سیاسیی كورد كە تووشی نەخۆشیی شێرپەنجە بووە و هەروەها زیندانیەكی سیاسی دیكە بە ناوی”محەمەد حسێن رەزایی” (خوسرۆ) سەرەڕای ئەوەی كە پێویستیان بە چارەسەری خێرا لە دەرەوەی زیندان هەیە، بەڵام بەهۆی دژایەتیی كاربەدەستان لەگەڵ مانەوەی ئەو دوو زیندانیە لە نەخۆشخانەی دەرەوە، “ئەفشین” كە لە نەخۆشخانەیەكی دەرەوە بوو، گەڕێندراوەتەوە بۆ نێو زیندان و “محەمەدحسێن”هەتا ئێستا هیچ ئاوڕێك لە نەخۆشیەكەی نەدراوەتەوە.

لە لایەكی دیكەوە، زیندانیەكی سیاسی كوردی دیكە بە ناوی “عەلی مورادی” كە بەندكراوە لە زیندانی میناب لە ڕۆژی 18ی خەزەڵوەرەوە بە هۆی ناڕەزایی بە پێڕانەگەیشتن بە دۆخی “ئەفشین سوهرابزادە” لە لایەن مەئمورانی زیندانەوە وێڕای لێدان و سووكایەتی، رەوانەی ژووری تاكەكەسی كراوە و لە ئێستادا بە بێ جلو بەرگی گەرم ‌و پێخەف لە بارودۆخێكی خراپدا دەژی‌و زیندانبانەكان تەنانەت خواردنیشی پێ نادەن.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.