پێنج شه‌ممه‌ 28 ئازار 2024

دزینی مەڕ و ماڵاتی هاوڵاتیان لە شاری “دیواندەرە” بەردەوامە

ماوەی ساڵێكە دزینی مەڕ و ماڵات و ئاژەڵی هاوڵاتیان لە گوندەكانی سەر بە شاری “دیواندەرە بە ئاستێكی زۆر پەرەی سەندووە.

بە پێی هەواڵی گەیشتوو بە *زاگرۆس پۆست*، شەوی رابردوو هەینی 23ی مانگی خەزەڵوەر بۆ جارێكی دیكە 16 سەر مەڕ و ماڵاتی هاوڵاتیەك بە ناوی “جەلال زارەعی” خەڵكی گوندی “كەڵەكان” لە لایەن كەسانی نەناسراو دزراوە.

ئەمەش لەحاڵێكدایە، كە لە ماوەی یەك ساڵی رابردوو زیاتر لە 86 سەر ئاژەڵ و مەڕ و ماڵاتی خەڵكی گوندەكانی شاری “دیواندەرە” لە لایەن كەسانی نەناسراو دزراوە.

چەند رۆژ پێش ئێستا لە گوندی “مەحمودیە” سەر بە شاری دیواندەرە، 40 سەر مەڕ و ماڵاتی دوو بنەماڵە بە ناوەكانی “سەعید مورادی و كەماڵی قەیسەری” لە لایەن كەسانی نەناسراو دزراوە.

ئەمەش لە حاڵێكدایە كە لە ساڵی رابردوو تا ئێستا 50 سەر مەڕ و ماڵاتی دیكەی هاوڵاتانی دانیشتووی گوندی “كەڵەكان” سەر بە شاری دیواندەرە لە لایەن كەسانی نەناسراو دزراون، كە لەو رێژە لە مەڕ و ماڵاتەكە 10 سەریان هی كەسێك بە ناوی “جەلیل عبادی” بووە.

دیاردەی رفاندنی كەلوپەل و مەڕ و ماڵاتی هاوڵاتیان لە شارە جیاجیاكانی كوردستان بووەتە هۆی ئەوەیكە، خەڵك زات نەكەن ماڵ و ئۆتۆمبیل و هیچ كەلوپەلێكی خۆیان بەتەنیا بێهێڵن و ئەمەش بێ متمانەیی لای هاوڵاتیان دروست كردووە و هۆەیەكەشی هەژاری و نەداری و زاڵ بوونی كەلتووری سەقەتی دزی لە كۆمەڵگا رادەگەیەندراوە و لایەنە پەیوەندیدارەكانی كۆماری ئیسلامیش هیچ هەوڵێ بۆ بنەبڕكردنی ئەم دیاردەیە ناخەنە گەڕ.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.