دوو شه‌ممه‌ 17 كانونی یه‌كه‌م 2018
ماڵەوە / کوردستان / گیانلەدەستانی گوماناویی كچە خوێندكارێك لە زانكۆی”ورمێ”

گیانلەدەستانی گوماناویی كچە خوێندكارێك لە زانكۆی”ورمێ”

كچە خوێندكارێكی دیكەی زانكۆی ورمێ بە شێوەیەكی گوماناویی گیانی لەدەستدا.

بە پێی راپۆرتی هەواڵنێریی كوردپا،”شیلان رەوشەن دڵ” 22 ساڵ تەمەن و كچی سەلیم و خوێندكاری بواری زانستی سیاسی لە زانكۆی شاری ورمێ، رۆژانی سەرەتای ئەم هەفتەیە بە شێوەیەكی گوماناوی بە خواردنی ژەهر گیانی لەدەستداوە.

ئەو كچە خوێندكارەی زانكۆی ورمێ كە خەڵكی ئاوایی “نرزیوە” سەر بە شاری شنۆ بووە، رۆژی شەممە 17ی مانگی خەزەڵوەر تووشی تێكچوون و رەشانەوە دەبێت و بەو هۆیەوە رەوانەی نەخۆشخانە دەكرێ، بەڵام پاش گەیشتنی بە نەخۆشخانەی خومەینی لە شاری ورمێ پزیشكی یاسایی رادەگەیەنێت كە ئەو كچە بە هۆی خواردنی “حەبی سیانور” گورچیلەكان و سی لەدەست دەدات و باقی ئەندامانی لەشی بە تەواوەتی رەش دەبێتەوە و لە ئاكامدا گیانی لەدەست دەدات.

تا ئێستا كاربەدەستانی زانكۆی ورمێ لەو بارەوە هیچ هەڵوێستێكیان نەبووە، ئەمەش لەحاڵێكدایە كە ماوەیەك لەمەوبەریش 2 كچە خوێندكاری دیكەی كورد بە ناوەكانی “شەیدا حاتەمی و سەحەر چوینی” بە شێوەیەكی گوماناوی لە زانكۆەكانی رۆژهەڵاتی كوردستان گیانیان لەدەستدابوو.

بابەتی هاوپۆل

بریندار بوونی کۆڵبەرێکی دیکە لە سنووری پیرانشار

ڕۆژی یەک شەممە کۆڵبەرێکی دیکەی کورد خەڵکی شاری پیرانشار به تەقەی ڕاستەوخۆی هێزە نیزامیەکانی ڕژیم …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.