هه‌ینی 24 تشرینی دووه‌م 2017
ماڵەوە / بابەتەکان / %90توندوتیژی دژی ژنان لە پارێزگای “سنە” بنەماڵەكان ئەنجامی دەدەن

%90توندوتیژی دژی ژنان لە پارێزگای “سنە” بنەماڵەكان ئەنجامی دەدەن

لە سمینارێكی زانستی و توێژینەوەیی لەژێر ناوی “توندوتیژی دژی ژنانی كورد” لە شاری سنە، باس لەوە كرا كە زۆربەی توندوتیژیەكان دژی ژنان لە لایەن بنەماڵەكانەوە ئەنجام دەدرێ.

لێپرسراوی گشتیی دەفتەری كاروباری ژنان و بنەماڵەكان لە پارێزگای سنە بایگەیاند: ژنانی كورد لە 3 ‌ئاستی بنەماڵە، شوێنی كار و كۆمەڵگەدا بەرەوڕووی توندوتیژی دەبنەوە.

لەیلا ئاژیر وتوویەتی: بەزۆر راگرتن لەناو ماڵ، فرەژنی، ناچار كردنی زۆرەملێی ژنان بە لەش فرۆشی، توندوتیژی جەستەیی، دەروونی، ئابووری، زارەكیی و كوشتن، بە توندوتیژییە بنەماڵەییەكان دێتە ئەژمار.

ناوبراو لە درێژەدا وتوویەتی، توندوتیژی بەرامبەر بە ژنان جگە لە مێردەكانیان لە لایەن كوڕ، باوك و برا  ئەنجام دەدرێت  و ئەو توندوتیژیانەش بوونەتە هۆی خەمۆكی، خۆسووتاندن و خۆكوژی.

ئەو بەرپرسەی كاروباری ژنان باسی لە نەبوونی ئامارێكی ورد كردووە و وتوویەتی 90%ی قوربانییانی توندوتیژی بنەماڵەیی ژنان پێكی دێنن.

لەیلا ئاژی لە درێژەی وتارەكەیدا وتوویەتی: پێویستە لەرێگەی میدیا و بەرنامەی جۆراوجۆرەوە هەوڵ بدرێ‌ پێكهاتەی كۆمەڵگە بگۆڕدرێ‌و رێكاری گونجاو بۆ كەمكردنەوە ئەو دیاردەیە بدۆزرێتەوە و یەكێك لەو رێكارانە، پشتیوانییە یاساییەكانە.

هاوكات لەگەڵ بڵاو بوونەوەی ئەو راپۆرتە، سیمینارێك لە بنكەی فەرهەنگی- هونەریی سنە بەڕێوە چووە، كە تێیدا باس لە رەهەندەكانی توندوتیژی بەدژی ژنان دەكرێت.

لەو سیمینارە یەك رۆژەدا سێ‌پانێل لە بواری كۆمەڵناسیدا بە كۆڕگێڕی دكتور سەحابی، دكتور ئەمانی و هادی وەحید بەڕێوە دەچێت.

هەر لەو پێوەندیەیدا پێشكەش كردنی ٦ وتار و بڵاوكردنەوەی برووشوور/ خوێندنەوەی پەیام، پیشاندانی فیلم و ئاخاوتن لەسەر شیچوەی سیمینارەكە بەشێوەی زانستی لە بەشەكانی دیكەی سیمینارەكە دەبن.

بابەتی هاوپۆل

پیام جمعی ازفعالین چپ وسوسیالیست کوردستان

دوران معامله وسازش خیانت پشت پرده احزاب کورد بپایان رسیده?