هه‌ینی 14 كانونی یه‌كه‌م 2018
ماڵەوە / کوردستان / بێكاریی لە رادەبەدەر تەنگی بە خەڵكی “ئیلام” هەڵچنیوە

بێكاریی لە رادەبەدەر تەنگی بە خەڵكی “ئیلام” هەڵچنیوە

كێشەی بێكاریی لە پارێزگای ئیلام گەیشتووەتە ئاستێكی زۆر بەرز و خەڵكی شارەكەش بەدەست ئەو دۆخە نالەبارەوە وەزاڵە هاتوون.

بە پێی هەواڵی گەیشتوو بە*زاگرۆس پۆست*، رێژەی بێكاریی لە پارێزگای ئیلام كە چكۆلەترین پارێزگای رۆژهەڵاتی كوردستان و تەنانەت ئێرانیش دێتە ئەژمار، بووەتە دیاردەیەكی زۆر گەورە و هەر ئەمەش وایكردووە كە كەمتر رۆژێك هەیە هەواڵی خۆكوژی و گیانلەدەستدانی هاوڵاتیانی ئەو پارێزگایە بە هۆی هەژاری و بێ دەرەتانیەوە بڵاو نەبێتەوە.

ئەو شایەتحاڵە رایگەیاندووە، كە لە ماوەی یەك مانگی رابردوو زیاتر لە 25 كەس بە هۆی هەژاری و كەمداهاتی لە پارێزگای ئیلام دەستیان داوەتە خۆكوژی و بەو هۆیەوە گیانیان لەدەستداوە و یەكێك لەو قوربانیانە ناوی”موجتەبا” بووە كە هاوڕێ لەگەڵ خوشكەكەی دەستیان داوەتە خۆكوژی و گیانی لەدەستداوە.

بە پێی راپۆرتی هەواڵنێریی حكومەتی مهێر، ئاماری بێكاریی لە پارێزگای ئیلام كە چكۆلەترین پارێزگای رۆژهەڵاتی كوردستان دێتە ئەژمار و 550 هەزار دانیشتووی هەیە، گەیشتووەتە 35 هەزار كەس.

زۆرێك لە كارناسان و خەڵكی شارەكە لەسەر ئەو بڕوایەدان كە ئەم ئامارانە حكومەتین و رێژەی بێكاریی لە پارێزگای هەژارنشینی ئیلام زۆر زیاتر لەو ئاستەیە.

ئەمەش لەحاڵێكدایە كە ئەندامێكی كۆمیسیۆنی میلی و سیاسەتی دەرەوەی كۆماری ئیسلامیش باسی لەوە كردووە كە، لە هەر 5 هاوڵاتی دانیشتووی پارێزگای ئیلام، یەك كەسیان بێكارن و لە ئیلام كەمتر بنەماڵەیەك هەیە كە كەسی بێكاریان لە ماڵەوە نەبێت و زۆرێك لە بنەماڵەكان تا 6 كەسیان بێكارن.

ئەمەش لەحاڵێكدایە كە پارێزگای ئیلام لە بواری سەرچاوە كانزایی و سروشتیەكانەوە یەكێك لە دەوڵەمەنترین پارێزگاكانی كوردستان و ئێران دێتە ئەژمار.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.