هه‌ینی 14 كانونی یه‌كه‌م 2018
ماڵەوە / کوردستان / بانگكردن و دەستگیری ژمارەیەك لە خوێندكارانی زانكۆی “رازیی” كرماشان

بانگكردن و دەستگیری ژمارەیەك لە خوێندكارانی زانكۆی “رازیی” كرماشان

ژمارەیەك لە خوێندكارانی زانكۆی “رازیی” كرماشان لە لایەن حەراسەتی زانكۆ بانگهێشت و 3 خوێندكاری یارسانی ئەو زانكۆیەش لە لایەن هێزەكانی كۆماری ئیسلامیەوە دەستگیر كران.

بە پێی ئەو هەواڵانەی بە *زاگرۆس پۆست* گەیشتووە، لەم رۆژانەی دواییدا 120 خوێندكاری زانكۆی كرماشان لە ناڕەزایی بە لێپرسینەوەی فەرەجی دانا وەزیری زانستی كۆماری ئیسلامی، لە لایەن مەجلیسی ئەو حكومەتەوە، ناڕەزاییان دەربڕیوە و خوازیاری هەڵوەشاندنەوەی ئەو بڕیارە بوون، كە پاش بڵاوبوونەوەی ئەو نامەیە، ژمارەیەكی زۆر لەو خوێندكارانه بانگكراونەتە حەراسەتی زانكۆ و تەنانەت دەوترێ لەگەڵ خوێندكاراندا خوازیاری ئامادەبوونی ئەندامانی بنەماڵەكەشیان بوون.

لەو بانگكردنەی حەراسەت لە خوێندنكارانی زانكۆی رازی كرماشان، وێڕای لێپێچینەوە و دەمەقڕە لەگەڵ خوێندكاران، داوایان لێكراوە كە واژۆكانیان لەژێر ئەو نامەیە بسڕنەوە.

هەروەها لە لایەكی دیكەوە، 3 كەس لە خوێندكارانی كوردی زانكۆی كرماشان كە 2 كەسیان یارسان بوون، لە لایەن هێزەكانۆی كۆماری ئیسلامیەوە لە بەردەم دەرگای زانكۆ دەستگیر و راپێچی شوێنێكی نادیار كراون.

2 خوێندكارە كوردە یارسانەكە ناوەكانیان بریتی بووە لە: جەهانگیر سەلیمی و وەحید فروودی و هەروەها خوێندكارێكی دیكە بە ناوی سوبحان رەحیمی لە لایەن هێزە لیباس شەخسیەكان سەر بە وەزارەتی ئیتلاعاتی كۆماری ئیسلامی دەستگیر و راپێچی شوێنێكی نادیار كراون و هەتا ئێستاش چارەنووسیان نادیارە.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.