یه‌ك شه‌ممه‌ 16 كانونی یه‌كه‌م 2018
ماڵەوە / کوردستان / گیانلەدەستدانی 2 كرێكار بە دوو هۆكاری جیاواز

گیانلەدەستدانی 2 كرێكار بە دوو هۆكاری جیاواز

كرێكارێكی كورد لە بازاڕچەی سنووریی پەرویزخان لە كاتی كاركردندا لەو بازاڕچەیە، بەهۆی راوەستانی دڵەوە گیانی لەدەست دا.

هەواڵنێریی كوردپا بڵاوی كردووەتەوە كە، ئێوارەی رۆژی شەممە 17ی مانگی رەزبەر كرێكارێك بەناوی (فەرامەرز سلێمانی) لە كاتی داگرتنی بار لە كامیۆن، دڵی لە لێدان كەوتووە.

دەوترێ ئەو كرێكارە بەهۆی درەنگ گەیشتنی ئورژانس بۆ ئەو بزاڕچەیە و نەبوونی ئیمكاناتی سەرەتایی پزیشكی و كەمتەرخەمیی بەڕێوەبەرایەتیی ئەو بازاڕچەیە سەبارەت بە دابین نەكردنی ئەمنیەتی گیانی بۆ كرێكاران، گیانی لەدەست داوە.

لە بازارچەی سنووریی پەرویزخان زیاتر لە دوو هەزار كرێكار هەیە، كە بە وتەی كرێكاران، بازاڕچەكە وڵامدەری ئەو ژمارە زۆرەی كرێكاران بۆ كار كردن نییە، كە بەهۆی بێكاریی لە رادەبەدەرەوە روویان لەو بازاڕچەیە كردووە.

لەلایەكی دیكەوە لەم دواییانەدا، كرێكارێكی دیكە بەناوی رەمەزان قادری، كوڕی مەجید و خەڵكی گوندی (كانی حوسین بەگ) سەربە شاری سەوڵاوا، لە رووداوێكی هاتووچۆدا گیانی لەدەستداو ژن و منداڵەكەشی لەو رووداوەدا بریندار بوون.

بابەتی هاوپۆل

ڕێوڕەسمی پەردەلادان لە سەر پەیکەرەی شاعیری ناوداری شاری سنە

ڕۆژی هەینی لە سەیرانگای “خێرەزنە” لە شاری سنە ، پەردە لەسەر پەیکەرەی شاعێری ناوداری ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.