دوو شه‌ممه‌ 27 ئایار 2024

رێژەی سەربازە ئەمریكیەكان لە عێراق و كوردستان دەبێتە نزیك 3 هەزار كەس

ئەمریكا هەزارو 500  راوێژكاری‌ نیزامی‌  بۆ راهێنانی ئەرتشی‌ عێراق و هێزی‌ پێشمەرگەی كوردستان رەوانەی‌ عێراق دەكات و بڕیاریشە لە دەرەوەی‌ شاری‌ بەغداد و هەولێر جێگیر بكرێن.

“جۆش ئارنست” وتەبێژی‌ كۆشكی‌ سپی‌ رایگەیاند،  “باراك ئۆباما” سەرۆك كۆماری‌ ئەمریكا رەزامەندی‌ پیشانداوە لەسەر ناردنی‌ هەزارو 500 راوێژكاری‌ نیزامی دیكە  بۆ عێراق  بە مەبەستی‌ مەشقكردن بە ئەرتش و هێزی‌ پێشمەرگە و پێشكەشكردنی‌ راوێژ بەو هێزانە لە جەنگی‌ دژ بە داعش.

ناوبراو راشیگەیاند، ئەو هێزە بەشداری‌ لە شەڕ ناكەن و  لە چەند هەفتەی‌ داهاتوشدا پرۆسەی‌ رەوانەكردنیان بۆ  عێراق دەستپێدەكات.

“هاوكات جۆن كێربی”‌ وتەبێژی‌ وەزارەتی‌ بەرگری‌ لە كۆنگرەیەكی‌ رۆژنامەوانیدا رایگەیاند، راوێژكارە نیزامییەكانی ئەمریكا بەشداری‌ لە جەنگدا ناكەن و كاردەكەن بۆ دروستكردنی‌ دوو بنكەی‌ نیزامی‌ لە دەرەوەی‌ هەولێر و بەغداد بۆ 10 هەزار  سەرباز و پێشمەرگە.

شایانی باسە، لە دوای‌ دەستیپێكردنی‌ شەڕی دژ بە داعش بۆ یەكەمجارە ئەمریكا راوێژكارەكانی‌ لە دەرەوەی‌ هەر دوو شاری‌ هەولێر و بەغداد جێگیر دەكات ، لە ئێستاشدا ئەمریكا  هەزارو 400 راوێژكار و سەربازی‌ لە عێراقدا هەیە كە  600 راوێژكارییان لە هەولیر و بەغدادن و 800 سەربازیشی‌ ئەركی‌  پاراستنی‌ بالیۆزخانەی‌ ئەمریكا و فرۆكەخانەی‌ بەغدادیان لە ئەستۆیە، بە ناردنی‌ هەزار و 500 راوێژكاری‌ دیكە ژمارەی‌  سەربازان و راوێژكارانی‌ ئەمریكا بۆ نزیكەی‌ سێ‌ هەزار  كەس بەرزدەبێتەوە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.