هه‌ینی 23 تشرینی یه‌كه‌م 2020
ماڵەوە / کوردستان / فه‌رهاد پیرباڵ هه‌ڕه‌شه‌ی خۆسووتاندن ده‌کات

فه‌رهاد پیرباڵ هه‌ڕه‌شه‌ی خۆسووتاندن ده‌کات

سه‌رله‌به‌یانیی ئه‌مڕۆ دووشه‌مه  هونه‌رمه‌ندو نووسه‌ری هه‌ولێری فه‌رهاد پیرباڵ له به‌رده‌م گرتوخانه‌ی مه‌حه‌ته ڕایگه‌یاندووه ئه‌گه‌ر تا دوانیوه‌ڕۆ چالاکانی ده‌ستبه‌سه‌رکراوی ڕۆژهه‌ڵاتی ئازاد نه‌کرێن ئاگر له جه‌سته‌ی خۆی به‌رده‌دات. به پێی ئه‌و زانیارییانه‌ی به زاگرۆس پۆست گه‌یشتووه پیرباڵ له ناڕه‌زایه‌تی به ده‌ست به سه‌رکرانی 8 چالاکی سیاسی‌و مه‌ده‌نیی رۆهه‌ڵاتی له لایه‌ن ئاسایشی هه‌ولێره‌وه له به‌رده‌م فڕۆکه‌خانه‌ی هه‌ولێر تا گرتوخانه‌ی مه‌حه‌ته وێرای ده‌یان چالاکی تر خۆپیشاندانیان ڕێخست‌ڕایگه‌یاندووه ئه‌گه‌ر تا دوانیوه‌ڕۆ  ئه‌و چالاکانه ئازاد نه‌کرێن خۆی ده‌سووتێنێت.

فه‌رهاد پیرباڵ پێشتریش  وه‌ک زۆرێک له نووسه‌رو ڕووناکبیرانی کورد له سه‌ر کاغه‌ز ده‌ستبه‌سه‌رکرانی ئه‌و چالاکانه‌ی مه‌حکووم کردبوو پشتیوانیی خۆی بۆ ئازادکردنیان ڕاگه‌یاندبوو .

فه‌رهاد پیرباڵ تا دوانیوه‌ڕۆی ئه‌مڕۆ مۆڵه‌تی به حکومه‌ت داوه  تا گیراوان ئازاد بکه‌ن‌و له ئاکامی مانگرتنه‌که‌شیدا سه‌رله‌به‌یانیی ئه‌مڕۆ 10 خوله‌ک فڕینی هه‌ولێر بۆ تارانی له فڕۆکه‌خانه‌ی هه‌ولێر دواخستووه.

بڕیار وایه دوانیوه‌ڕۆی ئه‌مڕۆ کاتژمێر 13:30 مانگرتنه‌که ده‌ستپێبکاته‌وه‌و فه‌رهاد پیرباڵ له به‌رده‌م گرتووخانه‌ی مه‌حه‌ته ئاماده بێت.

وێنه‌: فه‌رهاد پیرباڵ، سه‌رله‌به‌یانیی ئه‌مڕۆ، به‌رده‌م گرتووخانه‌ی مه‌حه‌ته، له دیوای ‘ره‌سوڵ سوڵتانی’ وه‌رگیراوه.

بابەتی هاوپۆل

سێ زیندانی سیاسی لە شنۆ و نەغەدە ئازاد کران

عەلی ئیسماعیلی بەندکراوی سیاسی خەڵکی شنۆ دوای تێپەڕاندنی ٨ مانگ لە ماوەی یەک ساڵەی حوکمی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.