کوردستان

بە هۆی داخرانی سنووری شارەکانی رەوانسەر و سەلاسی باوەجانی و هەروەها ئاستنگەکانی بەردەم کۆڵبەران و کاسبکارانی ئەو ناوچەیە، کۆبوونەوەی ناڕزایەتیان لەسەر رێگای پارێزگای شاری کرماشان بەرێوە برد.

لە شاری تاران، کرێکارێکی کورد بە ناوی “ئەمین خوردستان” خەڵکی شاری سەوڵاوا بە هۆی راکێشانی کارەبا بۆ بیناێک، گیانی لە دەستدا.

لە کوردستان لیباس شەخسی و هێزە ئەمنیەتییەکانی رژیمی ئیسلامی ئێران رێگەیان نەدا خۆپیشاندانی هێمانە بۆ پشتیگیریلە زیندانیانی مانگرتوو بەرێوە بچێت.

لە شاری جوانرۆ لاوێکی تەمەن 26 ساڵە بە هۆی دۆخی خراپی ئابووری کۆتایی بە ژیانی خۆیی هێنا.

دوێنێ شەممە لە شارەكانی كۆڵن‌و فرانكفۆرتی ئاڵمانی كوردانی رۆژهەڵاتی كوردستان لە خۆپیشاندانێكدا پشتیوانی خۆیان لە محەمەد سدیق كەبودوەند راگەیاند.

ئێوارەی رۆژی هەینی 14ی جۆزەردان، ژمارەیەك لە هەڵسوڕاوانی مەریوانی بۆ پشتیوانی لە محەمەد سدیق كەبودوەند‌و جەعفەر عەزیمزادە، هەڵسوڕاوی كرێكاریی‌و مەحكومكردنی شەلاق لێدانی كرێكاران كۆبوونەوە.

سەر لە بەیانی ئەمڕۆ هەینی لەناوچەی سەردەشت مینێک بە سێ برادا تەقیوەتەوە لە ئەنجامدا دوانیان گیانیان لەدەستداوە و یەکێکیشیان بە سەختی برینداربووە.

بڕیارە سبەینێ شەممە بەردەم سەفارەتی كۆماری ئیسلامی لە شاری فرانكفۆرتی ئاڵمان خۆپیشاندانێك بۆ پشتیوانی لە محەمەد سدیقی كەبودوەند ساز بكرێت.

محەمەد سدیق کەبودوەند چالاکی مافی مرۆڤ رۆژی چوارشەممە 5ی جوزەردان بە هۆی بارودۆخی خراپی تەندوروستی لە زیندانی ئەوینەوە گوازرایەوە بۆ نەخۆشخانە تالەقانی لە شاری تاران و دوکتورەکانی بەبنەماڵەی ناوبراویان وتوە: ئەگەری ئەوە لە ئارادایە کە دڵی کەبودوەند لە کاربکەوێت و هەروەها وتوشیانە کە “فشاری خوێنی” زۆردابەزیوەو گەدەی توشی خوێن بەربوون بوە .

ناسر رەزازی هونەرمەندی گەورەی کورد لە دوو رۆژی رابردوودا لە شاری سلێمانی نەشتەرگەری بۆ کراوە و ئێستا لە ماڵەکەی خۆیی پشوو دەدات.

پاشنیوەرۆی سبەینێ پێنجشەممە خۆپیشاندانێك لەشاری هەولێر بۆ پشتیوانی لە محەمەد سدیق كەبودوەند سازدەكرێت.

جێگری تەندوروستی زانکۆی پزیشکیی پارێزگای کرماشان دەڵێت: ئەو پارێزگایە زیاترین رێژەی کەسانی تووشبووی بە ویروسی ئیدز تێدایە.

وتەبێژی حکومەتی هەرێمی کوردستان وتەکانی “حەسەن روحانی” بە درۆ دەخاتەوە و دەڵێت تەنها گیانبازی هێزی پێشمەرگە بوو کە هەولێر و کوردستانی لە تیرۆریستانی داعش پاراست.

دوای ئەوەی رۆژنامەی “شەرقولئەوسەت” بڵاویکردەوە کە رژیمی ئیسلامی ئێران سەکۆی موشەکی لە نزیک سەی سایەق دامەزراندوە، پاسەوانانی سنووری هەرێمی کوردستان ئەو هەواڵە رەت دەکەنەوە.

لە میانەی کۆبوونەوەێکی هەدەپە “فیگه‌ن یوكسه‌كداغ” هاوسه‌رۆكی هه‌ده‌په‌ باری تەندوروستی تێک دەچێت و بە پیی هەواڵەکان ناوبراو مەسموم کراوە.

نزیكەی 400 رێكخراوی مەدەنی لە بەیاننامەیەكدا پشتیوانی خۆیان لە محەمەد سدیق كەبودەوەند، رادەگەیەنن‌و داوا لەكوردانی چوارپارچەی كوردستان دەكەن پشتیوانی لێ بكەن.