زاگرۆس پۆست
ڕیكخراوی داعش 7 ئەندامی كوردی خۆی بە تۆمەتی یارمەتیدانی هیزەكانی پێشمەرگە دەستگیر كرد.
سەرچاوەیەك لە پارێزگای دیالەوە بە سۆمریە نیوزی راگەیاندووە كە، ئەم بەیانییە چەكدارەكانی داعش لە ناحیەی سەعدیەی سەر بە پارێزگای دیالە 7 چەكداری كوردی نێو ریزەكانی خۆیان دەستگیر كردووە، كە سەرجەم دەستگیركراوەكان كوردن و كەسێكی خەڵكی سوریاش لە نێو دەستگیر كراوەكاندایە.
دەوترێ چەكدارە كوردەكان بە تۆمەتی سیخوڕی كردن بۆ هیزەكانی پێشمەرگەی كوردستان دەستگیر كراون و لەم دواییانەدا چەندین هەواڵیان داوەتە پێشمەرگە و بەو هۆیەشەوە گورزی كوشندە بەر چەكدارەكانی داعش كەوتووە.
جێی باسە ماوەی چەند ڕۆژێكە چەكدارەكانی داعش دەستیان كردووە بە دەستگیركردنی ئەو كوردانەی كە لە نێو ڕێكخراوەكەدان و دەنگۆەكان باس لەوە دەكەن كە، ئەو كەسانە گوایە زانیاری هەواڵگری دەدەنە پێشمەرگەی كوردستان.
ئەمەش لەحاڵێكدایە كە چەند رۆژ پێش ئێستا لە 100 ئەندامی كوردی نێو ریزەكانی داعش، 18 كەسیان لە لایەن خودی ئەو رێكخراوەیەوە گوللە باران كرابوون.
