کچێکی تر له کامیاران بووه قوربانیی ناموس کوژی

سه‌رله‌به‌یانیی ئه‌مڕۆ کچێکی تر له کامیاران به هۆی گومانی پێوه‌ندیی له گه‌ڵ ره‌گه‌زی به‌رامبه‌ر له لایه‌ن براکه‌یه‌وه کوژرا.

سه‌رله‌به‌یانیی ئه‌مڕۆ سێشه‌مه 4ی خه‌رمانان کچێکی ته‌مه‌ن 25ساڵ له کامیاران له لایه‌ن برای ته‌مه‌ن 29ساڵانیه‌وه هێرش کرایه سه‌ری‌و دوای ماوه‌یه‌کی کورت گیانی له ده‌ستدا.

به گوێره‌ی زانیارییه‌كانی زاگرۆس‌ پۆست سه‌رله‌به‌یانیی ئه‌مڕۆ سێشه‌مه کوڕێکی ته‌مه‌ن 29ساڵ به ناوی فه‌رهاد.ف کوڕی ئه‌ڵماس هێرشی کردووه‌ته سه‌ر خوشکه ته‌مه‌ن 25ساڵانه‌که‌ی‌و کوشتویه‌تی.

ده‌وترێت ئه‌و بنه‌ماڵه‌یه خه‌ڵکی ئاوایی ئاسنگه‌رانن، به‌ڵام ساڵانێکه به ماڵه‌وه له کامیاران ئه‌ژین.

تا ئێستا شوێنی رووداوه‌که‌و بارودۆخی یاسایی ئه‌و حاڵه‌ته نه‌زانراوه.