هاوڵاتییه‌کی تر له سه‌رده‌شت به هۆی خۆسووتاندنه‌وه‌ گیانی له‌ده‌ستدا

هاوڵاتییه‌کی ژنی ته‌مه‌ن 25ساڵی خه‌ڵکی سه‌‌رده‌شت به هۆی کێشه‌ی کۆمه‌ڵایه‌تییه‌وه ئاگری له جه‌سته‌ی خۆی به‌رداو به هۆیه‌وه گیانی له‌ده‌ستدا.

دوێنێ شەمه 11گه‌لاوێژ (ش.م) ژنێکی تەمەن 25 ساڵ له سه‌رده‌شت بە هۆی کێشەی خێزانییه‌وه ئاگری لە جەستەی خۆی بەرداو پاش ماوه‌یه‌کی که‌م گیانی لەدەستدا.

 به گوێره‌ی زانیارییه‌کانی زاگرۆس پۆست ئه‌و بنه‌ماڵه‌یه خاوەن منداڵیکی تەمەن 5 ساڵان و خەڵکی گوندی قەڵەڕەشێ‌‌و دانیشتووی بێوران‌ن. سه‌رچاوه‌یه‌ک له  سه‌رده‌شته‌وه رایگه‌یاندووه دوای ئاگرتێبه‌ربوون‌و برینداربوونی ئه‌و ژنه هه‌ر له شوێنی خۆی هه‌وڵدراوه رزگار بکرێت، به‌ڵام پاش ماوه‌یه‌کی که‌م به هۆی قووڵبونی برینه‌کانیه‌وه گیانی له ده‌ستداوه.