زاگرۆس پۆست
«زاهیر ڕووزخوون» بە دانانی بارمتە بە شێوەیەکی کاتی ئازاد کرا
ڕۆژی پێنجشەممە ٢٢ی ڕەزبەری ساڵی ١٤٠٠ی هەتاوی ، هاووڵاتییەکی کورد بە ناوی «زاهیر ڕووزخوون» خەڵکی ئاوایی کۆسەکەرێز سەر بە شاری مەهاباد، بە دانانی بارمتە بە شێوەیەکی کاتی، ئازاد کرا.
ئەو هاووڵاتییە کە بێ بەڵگەی یاسایی دەسبەسەر کرابوو، بە دانانی بارمتەی ٣٥٠ ملیۆن تمەنی بە شێوەی کاتی ئازاد کراوە، لە ماوەی دەسبەسەر بوونی، لە مافی ھەبوونی پارێزەر و چاوپێکەوتنی بنەماڵەی، بێ بەش بووە.
تا کاتی داڕشتنی ئەم هەواڵە لە ھۆکاری دەسبەسەر بوونی ئەم هاووڵاتییە زانیارییەکمان پێ نەگەیشتووە.
