زاگرۆس پۆست
سوپای پاسداران، پێنج ھاووڵاتی کوردی خەڵکی نەغدەیان دەسبەسەر کرد
رۆژی چوارشەممە ١٠ی خەرمانانی ساڵی ١٤٠٠ ھەتاوی، سوپای پاسداران لە شاری نەغەدە، پێنج ھاووڵاتی کورد بە ناسناوەکانی «ئەسعەد رامین» ،«خالید رامین»،«رامین رامین»،«سەردار رامین» خەڵکی ئاوایی قارنا و ھەروەھا «داوود رەحیمی» خەڵکی ئاوایی چەقەڵ مستەفا سەر بە شاری نەغەدە، بێ بەڵگەی یاسایی دەسبەسەر و بۆ شوێنێکی نادیار گواستوونەوە.
جێگای ئاماژەیە، ھێزەکانی سوپای پاسداران لە کاتی ھێرش کردن بۆ سەر ماڵی ئەو ھاووڵاتییانە، بە تووندووتیژی و بێ رێزی کردن دەسبەسەریان کردوون.
تا کاتی داڕشتنی ئەم ھەواڵە، لە ھۆکاری دەسبەسەر کردنی نێوبراوان، زانیارییەکمان پێ نەگەیشتۆ.
