زاگرۆس پۆست
بە پێی سەرچاوە زانیارییە خۆجێئیەکان، ئەمڕۆ دووشەممە ڕێکەوتی ١٨ی گەلاوێژی ساڵی ١٤٠٠ی هەتاوی، هێزە چەکدارەکانی رژیم لە سەرسنوور، لە ناوچەی هه‌نگه‌ژاڵەی بانه تەقەیان لە پۆلێک کۆڵبەر کردووە و لە ئاکامدا کۆڵبەرێک بە ناوی “ئومید خێزری” تەمەن ٤٧ساڵ و خەڵکی مەهاباد و دانیشتووی ڕەبەت گیانی لەدەست دا، کۆڵبەرێکی تر کە تا ئێستا ناسنامەی میدیایی نەکراوە بەسەختی بریندار بووە.
لە لایەکی دیکەوە، ڕۆژی هەینی ۸ی گەلاوێژی ساڵی ١٤٠٠ی هەتاوی، هێزە چەکدارەکانی ڕژێم لە بەرزاییەکانی “شاخه ڕووخاو” لە دەڤەری سنووری پیرانشار تەقەیان لە پۆلێک کۆڵبەر کردووە و لە ئاکامدا دوو کۆڵبەر بە ناوەکانی “محەممەد چوکلی” ومحەممەدحوسێن‌زاده” بەسەختی بریندار بوون .
