زاگرۆس پۆست
«موژگان کاووسی» زیندانی سیاسی کورد، تووشی پەتای کرۆنا بوو
«موژگان کاووسی»نووسەر و بەندکراوی سیاسی کورد لە زیندانی ئیڤین، چەند رۆژ دوایی تووش بوونی بە پەتای کرۆنا، بۆ ماوەیەکی کاتی، مورەخەسی پێدرا.
ئەم نووسەرە کورد له ڕێكه‌وتی ٢٧ی خەزەڵوەری ١٣٩٨ ھەتاوی، لە ماڵەکەی خۆی لە شاری «نۆشەهر» لە لایەن هێزه‌كانی ده‌زگای ئیتلاعاتی سپاوە دەستبەسەر کرا و پاش نزیكه‌ی مانگێك به دانانی بارمته له زیندان ئازاد كرا.
نێووبراو سه‌ره‌تا له لایه‌ن دادگای شۆڕشی نۆشه‌هر، بە تاوانی «ئەندامیەت لە حیزبی دێمۆکرات کردستان»،«چالاکیی دژ بە ئاسایشی نەتەوەیی» و«بانگەشەی دژ بە کۆماری ئیسلامی» حوکمی ٦٩ مانگ زیندانی بەسەردا سەپا، بڵام دادگای پێداچوونه‌وه‌ی پارێزگای مازه‌نده‌ران سزاکەی بۆ ٧٦مانگ و نیو، زیاد کرد.
