زاگرۆس پۆست
چالاکێکی ژینگەپارێزی خەڵکی سنە کە مانگی خەرمانانی ساڵی ڕابردوو لەلایەن هێزە ئەمنییەکانەوە دەستگیر کرابوو، سزای بەندکرانی بە سەردا سەپا.
لە ماوەی ڕۆژانی ڕابردوودا، خەبات مفاخری، چالاکی ژینگەپارێزی خەڵکی سنە لەلایەن لقی یەکەمی دادگای شۆڕشی سنە بە سەرۆکایەتی دادوەر سەیدی سزای ٤ ساڵ بەندکرانی هەڵپسێردراوی بە سەردا سەپاوە.
ئەو سزایە بە تۆمەتی ئەندامیەت لە حزبێکی کوردستانی بە سەر ناوبراودا سەپاوە.
خەبات مفاخری ڕۆژی پێنج شەممە ٦ی خەرمانانی ١٣٩٩ لەلایەن هێزەکانی ئیدارەی ئیتلاعاتی سنە دەستگیر کرابوو.
ئەم چالاکە ژینگەپارێزە دوای ٤ مانگ بەندکران ڕۆژی پێنج شممە ١٨ی بەفرانباری ١٣٩٩ بە دانانی بارمتە و بە شێوەی کاتی ئازاد کرابوو.
