زاگرۆس پۆست
دوێنێ هەینی ١٥ی ڕەشەمە، وەستا کارێکی گەچکاری خەڵکی شاری نۆدشە و دانیشتووی شاری مەریوان، بە ناوی “عەباس موساعید”، لە نەخۆشخانەی “بێعسەت” لە شاری سنە، گیانی لەدەستدا.
ئەو کرێکارە کوردە، لە کاتی کار کردن لە بینایەک، بەهۆی بەربوونەوە بە سەختی بریندار و بۆ چارەسەری پزیشکی ڕەوانەی نەخۆشخانەی سنە کرابوو.
ڕێژەی مردنی کرێکاران بەهۆی ڕووداوی کار لە ئێران ڕۆژانە ٦ کەس بەراوەرد کراوە و بە وتەی بەرپرسانی وەزارەتی کار، ڕووداوی کار ساڵانە زیاتر لە ٩٠ هەزار میلیارد تمەن لە ئێران تێچوو هەڵدەگرێت.
