دوو شه‌ممه‌ 2 ئاب 2021
ماڵەوە / کوردستان / ھاووڵاتیەکی خەڵکی سەقز بە ھۆی تەقەی ھێزەکانی رژیمی ئیسلامی بریندار بوو

ھاووڵاتیەکی خەڵکی سەقز بە ھۆی تەقەی ھێزەکانی رژیمی ئیسلامی بریندار بوو

دوێنێ هەینی ١٥ی ڕەشەمە، هاووڵاتییەکی کورد بە ناوی “قوباد ناوخاسی” خەڵکی گوندی “ماسیەری کۆن” سەر بە شاری سەقز، بەهۆی تەقەی هێزە چەکدارەکانی رژیمی ئیسلامیی ئێران بە تووندی بریندار بوو.

هێزەکانی رژیم بەبێ ئاگادارکردنەوەی پێشووتری ئەو ھاووڵاتییە لە سنووری “ناوخان” لە نزیکی گوندی “بەستام” سەر بە بەخشی سەرشیوی سەقز، تەقەیان لێ کردووە.

هێزە چەکدارەکانی کۆماری ئیسلامیی ئێران، بە گومانی “هەڵگرتنی شتومەکی قاچاخ”، تەقەی ڕاستەوخۆیان لەو هاووڵاتییە کردووە.

ناوبراو لە ئەنجامی تەقەی هێزە نیزامییەکانی حکوومەتی بە توندی بریندار بووە و بۆ چارەسەری پزیشکی ڕەوانەی نەخۆشخانەی تەورێز کراوە.

هەتا ئێستا مەئموورانی حکوومەتی، ئیزنیان بە بنەماڵەی قوباد ناوخاسی نەداوە کە لە نەخۆشخانەدا چاویان بە ناوبراو بکەوێت.

بابەتی هاوپۆل

سێ بەندکراوی کورد لە ورمێ ئێعدام کران

سزای ئێعدامی سێ بەندکراوی کورد کە ڕۆژی ڕابردوو بۆ ژووری تاکەکەسیی و بەندیخانەی ئورمیە گوازرابوونەوە، …