زاگرۆس پۆست
دوانیوەڕۆی ئەمڕۆ پێنجشەممە ٢ی رێبەندان، ھاووڵاتیەکی خەڵکی بۆکان بە ناوی مەحیەدین شامە، لە لایەن ھێزە لیباس شەخسیەکانی رژیمی ئیسلامیی ئێرانەوە دەستگیر و راپێچی شوێنێکی نادیار کرا.
تا ئێستا ھۆکاری دەستگیر کردنی ئەم ھەووڵاتیە ئاشکرا نەبووە.
ھەروەھا لە درێژەی شەپۆلی دەستگیر کردنی هاووڵاتییانی کورد کەسێکی دیکەی خەڵکی پیرانشار لەلایەن ناوەندە ئەمنییەتیەکانی رژیمی کۆماری ئیسلامی ئێرانەوە دەستگیر کرا.
دوێنێ چوارشەممە ١ی رێبەندان، هێزەکانی ئیدارەی ئیتلاعاتی پیرانشار هاووڵاتییەکیان بە ناوی ”ڕەسووڵ پیرۆتی“ دەستگیر کردووە.
هێزە ئەمنییەکان ڕەسووڵ پیرۆتییان بە تۆمەتی هاوکاری کردنی یەکێک لە حیزبە کوردستانییەکانی دژبەری حکوومەت ئیسلامیی ئێران دەستگیر کردووە و تا ئێستاش چارەنووسی نادیارە.
