پێنج شه‌ممه‌ 21 كانونی دووه‌م 2021
ماڵەوە / کوردستان / کامیل ئەحمەدی ٨ ساڵ زیندانی بەسەردا سەپا

کامیل ئەحمەدی ٨ ساڵ زیندانی بەسەردا سەپا

کامیل ئەحمەدی، توێژەری کوردی خەڵکی نەغەدە و پەنابەری وڵاتی بریتانیا کە ساڵی ڕابردوو لە ئێران دەستگیر کرابوو، لەلایەن دەزگای دادوەریی رژیمی ئیسلامی ئێرانەوە حوکمی ٨ ساڵ زیندانی بە سەردا سەپا.

کامیل ئەحمەدی  نووسەر و لێکۆڵەری کورد لەلایەن لقی ١٥ی دادگای شۆڕشی تارانەوە بۆمەتی ”هاوکاری وڵاتێکی نەیار“ حوکمی ٨ ساڵ زیندانی بە سەردا سەپا.

کامیل ئەحمەدی دەڵێ، ئامانجی ئەم حوکمە ڕێگری کردنە لە پەیوەندی من لەگەل کۆمەڵگا بە مەبەستی ڕاگیرانی توێژینەوەکانم لە بارەی کمینەکانەوە.

جێگای وەبیرھێنانەوەیە کامیل ئەحمەدی رۆژی یەکشەممە ٢٠ی گەلاوێژی ساڵی ١٣٩٨ی ھەتاویی، لەلایەن هێزە ئەمنیەتییەکانی رژیمی ئیسلاێ ئێرانەوە لە شاری تاران دەستگیر و پاش ١٠٠ ڕۆژ بەندکران بە بارمتەی ٥٠٠ میلیۆن تمەنی و بە شێوەی کاتی ئازاد کرابوو. ناوبراو لە ماوەی ئەو ١٠٠ ڕۆژەدا لە مافی دەستپێڕاگەیشتن بە پارێزەر بێبەش بوو.

کامیل ئەحمەدی، توێژەری کوردی خەڵکی شاری نەغەدە و هاوکات هاووڵاتی وڵاتی بریتانیایە کە ئێستا لە چوارچێوەی چالاکیی مرۆڤناسی و بواری کۆمەڵایەتی و بوارەکانی پەیوەندیدار بە فەرهەنگی ناوچەیی، کۆچبەری، منداڵان و ژنان، مافی کەمینە نەتەوەییەکان پرسەکانی ڕۆژهەڵاتی ناوەڕاست کار دەکات و لە بواری ڕاگەیاندنیشدا پێشینە و ئەزموونی زۆری هەیە.

بابەتی هاوپۆل

بانگهێشت و دەستگیر کردنی ئەندامانی گرووپی موسیقای ژنانی “گلاریس” لە کرماشان

رۆژی شەممە ٢٧ی بەفرانبار، دوو ئەندامی گرووپی موسیقای ژنانی “گلاریس” لە کرماشان بە ناوەکانی “نازەنین …