پێنج شه‌ممه‌ 3 كانونی یه‌كه‌م 2020
ماڵەوە / سیاسی / ئایناز زارع بە پێنج ساڵ زیندان حوکم درا

ئایناز زارع بە پێنج ساڵ زیندان حوکم درا

ئایناز زارع تەمەن ١٧ ساڵی خەڵکی ورمێ کە لە ساڵی ڕابردووەوە لەگەڵ دایکی لە بەندیخانەی ناوەندیی ئەو شارە بند کراوە، بە تۆمەتی ئەندام بوون لە یەکێک لە حیزبە کوردستانییەکانی دژبەری رژیمی ئیسلامی ئێران، حوکمی پێنج ساڵ زیندانی بەسەردا سەپا.

ئەمڕۆ دووشەممە ٢٦ی خەزەڵوەری ١٣٩٩ی ھەتاویی، ئایناز زارع، زیندانیی سیاسیی تەمەن ١٧ ساڵ، کە لە بەندیخانەی ورمێ بەندکراوە، لە لایەن لقی یەکی دادگای تاوانەکانی ورمێ، حوکمی پێنج ساڵ زیندانی بەسەردا سەپا.

ئەو حوکمە بە تۆمەتی ھەوڵدان دژی ئەمنیەتی نەتەوەیی لە ڕێگای ئەندامەتی لە حزبێکی کوردستانی بەسەریدا سەپاوە و پێی ڕاگەیاندراوە.

ئەم بەندکراوە سیاسییە کە تەمەنی لە ژێر ١٨ ساڵەوەیە، لە کاتی بەڕێوەچوونی دادگاکەی، لە مافی هەبوونی پارێزەری هەڵبژێراوی خۆی بێبەش بووە.

ئایناز زارع لەگەڵ دایکی بە ناوی شاناز سادقی فەڕ ناسراو بە بێریڤان تەمەن ٣٢ ساڵ لە خەرمانانی ساڵی ڕابردوو لەلایەن هێزەکانی ئیدارەی ئیتلاعاتی بانە دەستگیر و لەو کاتەوە لە زیندانی ورمێ ڕاگیراوە.

شاناز سادقی‌فەر ڕۆژی ٣١ی پووشپەڕی ئەمساڵ لەلایەن لقی دووهەمی دادگای شۆڕشی ورمێ بە سەرۆکایەتی دادوەر شەیخلوو دادگایی و بە تۆمەتی ”ئەندامیەت لە حزێکی کوردستان، حوکمی ١٥ ساڵ زیندانی بەسەردا سەپا.

بابەتی هاوپۆل

فشار و تهدید خانوادە یک فعال سیاسی در مریوان

اداره اطلاعات سپاه ایران طی سالهای گذشته برای اذیت کردن ، ترساندن و تحت فشار …