هه‌ینی 27 تشرینی دووه‌م 2020
ماڵەوە / سیاسی / سەعید شێرزاد لە زیندان ئازاد کرا

سەعید شێرزاد لە زیندان ئازاد کرا

سەعید شێرزاد پاش تێپەڕاندنی ٦ ساڵ حوکمی زیندان، لە زیندانی رەجایی شاری کەرەج ئازاد کرا.

سەرلەبەیانی ئەمڕۆ شەممە ١٣ی مانگی گوڵان، سەعید شێرزاد، زیندانی سیاسیی کوردی خەڵکی شاری کرماشان کە لە زیندانی ڕەجایی شاری کەرەج بەند کرابوو، پاش تەواو بوونی ماوەی ٦ ساڵ حوکمەکەی، ئازاد کرا.

سەعید شێرزاد رۆژی ١٢ی مانگی جۆزەردانی ٩٣ لە شوێنی کارەکەی لە پاڵاوگەی تەورێز دەستگیر و رەوانەی زیندانی ئێڤین و دواتر بۆ زیندانی رەجایی شار گواسترایەوە.

ئەو بەندکراوە کوردە مانگی خەرمانانی ١٣٩٤ لەلایەن لقی ١٥ی دادگای ئینقلابی رژیم بە سەرۆکایەتیی قازی سەڵەواتی و بە ئامادەبوونی پارێزەرەکەی ئەمیر سالار داودی، پاش ١٥ مانگ زیندانی بوون بە تۆمەتی “هەوڵدان دژی ئەمنیەتی نەتەوەیی” حوکمی ٥ ساڵ زیندانیی بۆ بڕایەوە.

سەعید شێرزاد مانگی خەزەڵوەری ١٣٩٧ی هەتاوی لەلایەن لقی ١١٦٢ی دادگای تاوانەکانی رژیم لە تاران بە تۆمەتی ناڕەزایەتی دەربڕین بە گواستنەوەی هاوبەندییەکانی بۆ بەندی ئەمنیەتی حوکمی ٦ مانگ زیندانی بەسەردا سەپا، حوکمەکەی وەک خۆی پەسەند کرایەوە و دواتر حوکمی یەک ساڵ زیندانی  هەڵپسێردراوی ناوبراو بە هۆی پەروەندەیەکی پشترەوە خرایە روو و حوکمەکەی بوو بە ٦ ساڵ و ٦ مانگ.

بابەتی هاوپۆل

بریندار کردنی دوو کۆڵبەر لە سنووری پاوە

دوو کۆڵبەر لە کاتی کۆڵبەری لە سنووری شاری پاوە بە تەقەی ڕاستەوخۆی هێزەکانی رژیمی ئیسلامی …