زاگرۆس پۆست
دیوانی عالی کشوەر سزای سێدارەی ٧بەندکراوی کوردی سوننە مەزھەبی دوای ١٠ ساڵ بەندکران پەسەند کرد.
سزای سێدارەی ٧ بەندکراوی کوردی سوننە مەزھەبی بەندکراو لە بەندیخانەی «رەجایی شار » ی کەرەج دوای ١٠ ساڵ کێشەی قەزایی لە دیوانی عالی کشوەر پەسەند کرا.
دەزگای ھەواڵنێری « ھەرانا» پێنجشەممە ١٧ ی رێبەندانی ١٣٩٨ ی ھەتاویی لە بابەتێکدا ئاماژەی بەوە کرد کە « دیوانی عالی کشوەر سزای سێدارەی ئەنوەر خزری، کامران شێخە، فەرھاد سەلیمی، قاسم ئابستە، خوسرەو بەشارەت، ئەیوب کەریمی و داود عەبدوڵلایی، حەوت زیندانی سوننە مەزھەبی بەندکراو لە بەندیخانەی رەجایی شاری کەرەج ی پەسەند کرد» .
ھەرانا لە درێژەی ئەو بابەتەدا لە زمان سەرچاوەیەکی ئاگادارەوە باس لەوە دەکات کە « ئەو سزایە رۆژی دوشەممە رێکەوتی١٨ ی رێبەندان لە رێگەی پارێزەرەکانیانەوە پێیان راگەیەندراوە.
پێویستە ئاماژە بکرێ کە ئەو حەوت بەندکراوە ماوەی ١٠ ساڵە لە بەندیخانە دەستبەسەرکراون.
