پێنج شه‌ممه‌ 9 كانونی یه‌كه‌م 2021
ماڵەوە / سیاسی / پشتڕاست کردنەوەی حوکمی ئێعدامی زیندانیەکی سیاسی کورد

پشتڕاست کردنەوەی حوکمی ئێعدامی زیندانیەکی سیاسی کورد

حوکمی ئێعدامی زیندانیەکی سیاسی کورد لە لایەن دادگای رژیم لە شاری ورمێ پشتڕاست کرایەوە.

لە ماوەی رۆژانی رابردوو، حوکمی ئێعدامی مەحیەدین ئیبراهیمی، زیندانی سیاسی کوردی خەڵکی شاری شنۆ کە ئێستا لە بەندیخانەی شاری ورمێ ڕاگیراوە، پشتڕاست کراوەتەوە.

دەوترێ، ئەو حوکمی لەلایەن لقی دووی دادگای رژیم لە ھرمێ بە سەرۆکایەتی قازی شەیخلوو، پشتڕاست کراوەتەوە و هەمان ڕۆژیش ئەو حوکمە ناڕەوایە بە مەحیەدین ئیبراھیمی ڕاگەیەندراوە.

مەحەیەدین ئیبراهیمی تەمەن ٤١ ساڵ خەڵکی ئاوایی “ئەڵکاوێ” سەر بەشاری شنۆ، ڕۆژی شەممە ١٣ی خەزەڵوەری ١٣٩٧ لە کاتێکدا سەرقاڵی کۆڵبەری بوو، لەلایەن هێزەکانی پایگای بێمزەڕەتێ دراوەتە بەر دەسترێژ و بە سەختی بریندار و پاشان دەستگیر کرابوو.

ناوبراو لە مانگی گەلاوێژی ساڵی رابردوو لەلایەن لقی دووی دادگای رژیم لە ورمێ بە تۆمەتی هاوکاری لەگەڵ حزبێکی کوردستانی حوکمی ئێعدامی بەسەردا سەپێندرا و هەمان حوکم لەلایەن هەمان دادگاوە پشتڕاست کرایەوە.

مەحیەدین ئیبراهیمی ھاوسەری ھەیە و ١٠ ساڵ پێشیش هەر بە ھەمان تۆمەت بۆ ماوەی ١٤ مانگ لە زیندان بوو.

بابەتی هاوپۆل

چالاکی سیاسی کورد، «جەلال مەعرووفی» بۆ جێبەجێکردنی حوکمەکەی دەسبەسەر کرا

چالاکی سیاسی کورد، «جەلال وەفایی» بۆ جێبەجێکردنی حوکمەکەی دەسبەسەر کرا بە پێی ھەواڵەكان؛ رۆژی چوارشەممە …