٨ ھاوڵاتی کورد بە ھۆی کەوتنەخوارەوەی فڕۆکە لە تاران گیانیان لەدەستداوە

بە ھۆی کەوتنەخوارەوەی فڕۆکەیەکی ئۆکراینی لە تاران ھەموو مسافرەکانی نێو فڕۆکەکە گیانیان لەدەستدا کە ٨ کەسیان ھاوڵاتیانی کورد پێکی دەھێنن.

بەرەبەیانی ئەمڕۆ چوارشەممە ١٨ی بەفرانبار، فڕۆکەیەکی بۆئینگ ٧٣٧ سەر بە شرکەتێکی وڵاتی ئۆکراین پاش فڕین لە فڕۆکەخانەی خومەینی لە شاری تاران کەوتە خوارەوە و ھەموو ١٦٧ مسافرەکە و ٩ خزمەتکاری فڕۆکەکە گیانیان لەدەستدا.

لەو رێژەیە ١٤٧ کەسیان ھاوڵاتیانی ئێرانی پێکی دەھێنن کە ٨ کەسیان ھاوڵاتیانی کوردی خەڵکی رۆژھەڵاتی کوردستان بوون.

نێوی ھاوڵاتیە کوردەکان کە پێنج کەسیان خەڵکی مەھاباد و دانیشتووی وڵاتی کانادا بوون و ھەروەھا بنەماڵەیەکی سێ کەسی خەڵکی سەقز، بریتین لە:

1. فاتمه (سروه) پەساوەند
2. عایشه (سنور) پوورقادری
3. ئەوین ئەرسەلانی
4. هیوا مەولانی
5. کوردیا مەولانی
6. رزگار رەحیمی و ھاوسەرە دووگیانەکەی و منداڵە کچەکەیان