پێنج شه‌ممه‌ 9 نیسان 2020
ماڵەوە / سیاسی / دۆزینەوەی تەرمی ئەشکەنجە کراوی ھاوڵاتیەکی دیکە لە شاری جوانڕۆ

دۆزینەوەی تەرمی ئەشکەنجە کراوی ھاوڵاتیەکی دیکە لە شاری جوانڕۆ

تەرمی کەسێکی ئەشکەنجە کراوی دیکە لە دەوروبەری شاری جوانڕۆ دۆزرایەوە.

ھاوڵاتیەکی کوردی بەساڵاچوو بە ناوی #ھاشم_مورادی کە، رێکەوتی ٢٦ی خەزەڵوەری ئەمساڵ لە لایەن ھێزەکەنی رژیمی ئیسلامی ئێرانەوە دەستگیر کرابوو و لە ژێر ئەشکەنجەی نامرۆڤانەدا گیانی بەخت کردووە، تەرمەکەی لە دەوروبەری شاری جوانڕۆ دۆزرایەوە.

تەرمی ھاشم مورادی دوێنێ چوارشەممە ١١ی بەفرانبار، لە دەوروبەری چۆمی #سەفی_ئاوا کە ئاسەواری ئەشکەنجەشی پێوە دیارە، دۆزرایەوە.

تەرمی ھاشم مورادی ئەمڕۆ لە ژێر تەوژمی ھەڕەشە و گوڕەشەکانی سپای پاسداران و لە بێ دەنگی راگەیاندنەکاندا ئەسپەردە کرا و ھەڕەشە لە بنەماڵەکەی کراوە کە بۆیان نیە ھەواڵی ئەم جینایەتە بڵاو بکەنەوە و لەگەڵ راگەیاندنەکان وتووێژ بکەن.

ئەمە لەحاڵێکدایە کە تا ئێستا تەرمی دەیان کەس لە دەستگیر کراوەکانی خۆپیشاندانەکی مانگی خەزەڵوەری ئەمساڵ کە لە ژێر ئەشکەنجەدا گیانیان بەخت کردووە لە نێو بەنداو و چۆم و دەوروبەری شارەکانی رۆژھەڵاتی کوردستان و ئێران دۆزراوەتەوە.

بابەتی هاوپۆل

کوژران و برینداربوونی ٣ کۆڵبەر بە دەستی ھێزەکانی رژیم لە ماکۆ

ھێزەکانی رژیمی کۆماری ئیسلامی لە بەرزاییەکانی سنووری ماکۆ، لە ناوچەیەک بە ناوی “بەرزاییەکانی ئەڵڵاھوئەکبەر” لە …