سێ شه‌ممه‌ 21 كانونی دووه‌م 2020
ماڵەوە / کوردستان / قەدەغەکردنی جل‌وبەرگی کوردی لە بەرهەمەکانی وەشانگەی باشوور

قەدەغەکردنی جل‌وبەرگی کوردی لە بەرهەمەکانی وەشانگەی باشوور

لە نوێترین بڕیاری ناوەندی چاوەدێری ئیدارەی ئیرشادی ئیسلامی ڕژیم لە پارێزگای ئیلام بۆ سەر چاپەمەنی، جلوبەرگی کوردی لە نەققاشی و ئەنیمیشنی کوردی قەدەغە کرا.

 زاگرۆس پۆست: بە پێی هەواڵێک کە لە تۆڕەکۆمەڵایەتییەکان بڵاو بوەتەوە، یەکێک لە بەرهەمەکانی وەشانگەی “باشوور” لە شاری ئیلام کە کاری چاپ و بڵاوکردنەوەی بەرهەمە ئەدەبییەکان دەکات، بە هۆی ئەوەی لە چیرۆکێکی تایبەت بە ئەدەبی منداڵان بە ناوی “مێرووڵەو هەنگەژاڵە” کاراکتەرەکانی ئەو چیرۆکە جل و بەرگی کوردییان لەبەرە، ڕێگەیان بە چاپی ئەو کتێبە نەداوە.

ناوەندی چاوەدێری بەسەر چاپەمەنی سەر بە ئیدارەی ئیرشادی ئیسلامی ڕژیم لە پارێزگای ئیلام، بە نامەی فەرمی داوای کردوە کە لیباسی کاراکتەرەکانی ئەو چیرۆکە نابێت کوردی بێت .

 

بەوتەی چالاکانی مەدەنی وکلتووری پارێزگای ئیلام، ئەو بڕیار بە پێی هیچ یاسایەک نییە، بێجگە لە ڕوانینی شوڤێنیزمی بۆ سەر گەلی کورد.

شایانی باسە وەشانگەی”باشوور” بۆ چالاکی لە بواری فەرهەنگ و ئەدەبیاتی کوردی خوار (کەلهوڕی، لەکی، فەیلی و…) بە قەڵەمبەدەست و نووسەرانی شاری ئیلام دامەزراوە و “محەممەدموراد نەساری”بەرپرسایەتی وەشانگەی باشووری لە ئەستۆ دایە.

بابەتی هاوپۆل

کەوتنەخوارەوەی کۆڵبەرێک لە بەرزایەکانی تەتە لە هەورامان + ڤیدیۆ

رۆژی پێنجشەممە ۲٦ی بەفرانباری ۱۳۹٨، کۆڵبەرەێک بە ناوی #جەماڵ_باڵکی خەڵکی ئاوایی #باڵک لە بەرزایەکانی شاخی …