زاگرۆس پۆست
سەرلە بەیانی ڕۆژی یەکشەممە ١٣ی گەلاوێژ حوکمی لە سێدارەدانی هاوڵاتیەکی کورد، تەمەن ٢٤ ساڵ لە دوای ٧ سال بەندکران لە زیندانی ناوەندی کرماشان جێبەجێ کرا.
بە پێی ڕاپۆرتی گەیشتوو بە ئاژانسی هەواڵدەری زاگرۆس پۆست: سەر لە بەیانی یەکشەممە ١٣ی گەلاوێژ، حوکمی لە سێدارەدانی هاوڵاتیەکی کورد بە ناوی “حەمید ئەوسەتی” خەڵکی گوندی “سفیدزەنگور” سەربە شاری “سونقوڕ” لە پارێزگای کرماشان، کە لە تەمەنی ١٧ ساڵی بە هۆی کوشتنی کەسێکەوە لە لایەن دادگای ڕژیمەوە حوکمی ئیعدامی بەسەردا سەپابوو، لە زیندانی دیزڵئاوای کرماشان جێبەجێ کرا.
“حەمید ئەوسەتی” بەهاری ساڵی ٩٢ی هەتاوی بە هۆی کوشتنی کەسێکەوە دەستبەسەر و لە لایەن دادگای ڕژیم لە شاری “سۆنقوڕ” حوکمی ئیعدامی بە سەردا سەپا بوو و ماوەی ٦ ساڵە لە بەندیخانەی دێزڵئاوای کرماشان ڕاگیرابوو.
