شه‌ممه‌ 20 ته‌مموز 2019
ماڵەوە / کوردستان / ڕێوڕەسمی ساڵیادی کیمیابارانی شاری سەردەشت لە شاری پیرانشار بەڕێوە چوو

ڕێوڕەسمی ساڵیادی کیمیابارانی شاری سەردەشت لە شاری پیرانشار بەڕێوە چوو

ڕێوڕەسمی یادکردنەوەی قوربانییانی کیمیابارانی شاری سەردەشت لە لایەن چالاکوانانی ژینگە پارێز و شاخەوانانی  شارەکانی ڕۆژهەڵاتی کوردستان بەڕێوە چوو.

بە پێی هەواڵی گەیشتوو بە ئاژانسی هەواڵدەری زاگرۆس پۆست؛ ڕۆژی هەینی ٧ی پووشپەڕ، ڕێوڕەسمێکی پڕ شکۆ بۆ یادی قوربانیانی کیمیابارانی شاری سەردەشت، بە بەشداریی ژینگەپارێزان و شاخەوانانی شارەکانی پیرانشار، سەردەشت، میراوێی شنۆ و بانە، بەڕێوە چوو.

ئەو ڕێوڕەسمە بۆ یادی قوربانیانی کیمیابارنی شاری سەردەشت بە خولەکێک بێدەنگی دەستی پێکرد و دواتـــر لە لایەن “ئەمیر دەباغی” کە یەکێک لە بەرکەوتوانی ئەو کیمیابارانەیە، چەند مۆمێک بۆ یادی قوربانیان هەڵگیرسا.
دواتر پەیامی هاوخەمی ژینگەپارێزان و کافە کتێبی ئەندیشەی پیرانشار لە لایەن “حەیدەر ئەحمەدی” پێشکەش کرا.

دواتر ئەمیر دەباغی پارچە شێعرێک و باسێکی پوخت و پاراوی لەسەر کارەساتەکە پێشکەش کرد.
ڕێوڕەسمەکە بە خوێندنەوەی پەیامی ئەنجومەنی ژینگە پارێزان و شاخەوانانی شارەکانی کوردستان و هەروەها شێعر و گۆرانی و سروود کۆتایی پێ دێت.

بابەتی هاوپۆل

ئێران دەستی بەسەر کەشتیـیەکی نەوتی بەریتانیا گرتووە

سوپای پاسدارانی ڕژیم پشتڕاستی کردەووە کە دەستی بەسەر کەشتیـیەکی نەوتی بەریتانیا لە گەرووی هورمز گرتووە.