شه‌ممه‌ 20 ته‌مموز 2019
ماڵەوە / کوردستان / گیان له‌ ده‌ستدانی كۆڵبه‌رێك له‌ سنووری بانه‌

گیان له‌ ده‌ستدانی كۆڵبه‌رێك له‌ سنووری بانه‌

کۆڵبەرێکی تازەلاوی خەڵکی بانە بە تەقەی هێزە نیزامیەکانی ڕژیم گیانی لەدەست دا.

بە پێی هەواڵی گەیشتوو بە ئاژانسی هەواڵدەری زاگرۆس پۆست؛ ڕۆژی سێشه‌ممه‌ ٤ی پووشپه‌ڕ، بەهۆی تەقەی ڕاستەوخۆی هێزەكانی ڕژیم کۆڵبەرێک لە سنوورەکانی بانە گیانی له‌ده‌ستدا.

بە پێی سەەرچاوەی هەواڵ، ئێوارەی ڕۆژی سێشەممە هێزە نیزامیەکانی ڕژیم لە سنووری شاری بانە تەقەیان لە کاروانێکی کۆڵبەران کردووە و به‌هۆیه‌وه‌ كۆڵبه‌ڕێك به‌ ناوی “هێمن ساڵحپوو” ته‌مه‌ن ١٦ ساڵان و دانیشتووی گوندی “ئاڵۆت”، گیانی له‌ده‌ستداوه‌.

ئەو کۆڵبەرە کوردە، بەبێ ئاگادارکردنەوەی پێشوو، ڕاستەوخۆ لە لایەن هێزە نیزامییەکانی ڕژیم، نیشتەجێکراو لە پاسگای سنووریی ” نێوبریتان”، تەقەی لێکراوە و دەستبەجێ گیانی لەدەست داوە.

لەم پەیوەندییەدا، ڕۆژی پێنجشەممە، ٢٣ی جۆزەردان، کۆڵبەرێکی کورد بە ناوی “محەممەد حسێنزادە”، خەڵکی گوندی “زڵێ” سەر بە شاری بانە، بەهۆی تەقەی ڕاستەخۆی هێزە نیزامییەکانی ڕژیم، گیانی لەدەست دا.

بابەتی هاوپۆل

ئێران دەستی بەسەر کەشتیـیەکی نەوتی بەریتانیا گرتووە

سوپای پاسدارانی ڕژیم پشتڕاستی کردەووە کە دەستی بەسەر کەشتیـیەکی نەوتی بەریتانیا لە گەرووی هورمز گرتووە.