سێ شه‌ممه‌ 16 ته‌مموز 2019
ماڵەوە / کوردستان / مەترسی گیان لە دەست دانی بەندکراوی سیاسی کورد لە زیندانی میناب

مەترسی گیان لە دەست دانی بەندکراوی سیاسی کورد لە زیندانی میناب

بەندکراوێکی سیاسی کورد کە زیاتر لە دە ساڵە لەزینداندایە بە هۆی نەخۆشی و نالەبار بوونی باری تەندروستی و پێڕانەگەیشتنی لە لایەن کار بەدەستانی زیندانی مینابەوە ئەگەری گیان لە دەستدانی زۆرتر بووە.

بە پێی هەواڵی گەیشتوو بە ماڵپەری هەواڵی زاگرۆس پۆست؛ عەبدوڵا ئەمینی بەندکراوی سیاسی کورد کە ماوەی ١٤ ساڵە لە زینداندایە و لە ماوەی چەند مانگی ڕابردوو تووشی نەخۆشی بوو و لە لایەن پزیشکی یاسایی و پزیشکی پسپۆڕی شێرپەنجەی شاری مینابەوە لە گەڵ بەڵگەنامەکانی ئازمایشی شێرپەنجەی ناوبراو  بە دادستان و کاربەدەستانی زیندانی میناب ڕایانگەیاندوە داوای چارەسەری پزیشکی و مورەرخەسی ناوبراو بۆ دەرەوەی زیندانیان کردووە، بەڵام لە لایەن دادستانی شاری میناب و بەرپرسانی زیندانی میناب ڕەت کراوەتەوە و بەرگریان کردووە لە هەناردنی عەبدڵا ئەمینی بۆ چارەسەری پزیشکی بۆ دەرەوەی زیندان.

عەبدوڵا ئەمینی لە مانگی ڕێبەندانی ساڵی ٨٠ی هەتاوی دەستبەسەر کرا و دوای ماەیەک بۆ مورەخەسی لە زیندان دێتە دەرەوە و بە شێوەی کاتی ئازاد دەبێت، دوایی لە مانگی جۆزەردانی ساڵی ٨٤ی هەتاوی بە تۆمەتی گروگانگیری و تێکدانی ئاسایشی گشتی دەستبەسەر کرا و لە زیندانی شاری سنەوە دەگوازرێتەوە بۆ زیندانی شاری میناب.

 

 

 

 

 

بابەتی هاوپۆل

شەپۆلی دەستبەسەر کردنی هاوڵاتیان لە شارەکانی کوردستان

لەماوەی ڕۆژانی ڕابردوودا شەپۆلێکی بەربڵاوی دەستبەسەر کرانی هاوڵاتیانی کورد لە شارەکانی کوردستان، لە لایەن هێزەکانی …